ರಷ್ಯಾ: ಮೇಲ್ಮನವಿ ಅವಕಾಶ ಕಳೆದುಕೊಂಡ ನವಾಲ್ನಿ

ಮಾಸ್ಕೊ: ರಷ್ಯಾದ ಪುಟಿನ್‌ ಆಡಳಿತದ ಕಟು ವಿರೋಧಿ ಅಲೆಕ್ಸಿ ನವಾಲ್ಲಿ ಅವರು ತಮಗೆ ವಿಧಿಸಿರುವ ಒಂಭತ್ತು ವರ್ಷಗಳ ಜೈಲು ಶಿಕ್ಷೆ ವಿರುದ್ಧ ಕಾನೂನುಬದ್ಧವಾಗಿ ಮೇಲ್ಮನವಿ ಸಲ್ಲಿಸುವ ಅವಕಾಶವನ್ನು ಕಳೆದುಕೊಂಡಿದ್ದಾರೆ.

ವಂಚನೆ ಹಾಗೂ ನ್ಯಾಯಾಂಗ ನಿಂದನೆಯ ಆರೋಪದ ಮೇಲೆ ನವಾಲ್ನಿ ಅವರನ್ನು ಬಂಧಿಸಲಾಗಿತ್ತು. ಉಕ್ರೇನ್‌ನ ಮೇಲೆ ತನ್ನ ಆಕ್ರಮಣವನ್ನು ಮುಂದುವರಿಸಿದ ಬೆನ್ನಲ್ಲೇ, ಸರ್ಕಾರದ ವಿರುದ್ಧ ಟೀಕಿಸುವವರ ಧ್ವನಿಯನ್ನು ಅಡಗಿಸಲು ಪ್ರಯತ್ನಿಸಿದ್ದಾರೆ.

ಮಾಸ್ಕೊ ನ್ಯಾಯಾಲಯ ಮಂಗಳವಾರ ಈ ನಿಟ್ಟಿನಲ್ಲಿ ತೀರ್ಪು ನೀಡಿದ್ದು, ನವಾಲ್ನಿ ಅವರ ಶಿಕ್ಷೆಗೆ ಸಂಬಂಧಿಸಿದಂತೆ ಯಾವುದೇ ಬದಲಾವಣೆಗಳಿಲ್ಲ. ಅವರು ಇನ್ನೂ ಎಂಟು ವರ್ಷ ಜೈಲಿನಲ್ಲಿ ಕಳೆಯಬೇಕು ಎಂದು ಹೇಳಿದೆ.