ಚಂದ್ರನ ಅಂಗಳದಿಂದ ಭೂಮಿಗೆ ಮರಳಲಿರುವ ಚೀನಾದ ಬಾಹ್ಯಾಕಾಶ ನೌಕೆ
Published 3 ಡಿಸೆಂಬರ್ 2020, 15:53 IST
ಚಾಂಗ್‌ ಇ–5 ಬಾಹ್ಯಾಕಾಶ ನೌಕೆಯು ಸೆರೆಹಿಡಿದಿರುವ ಚಂದ್ರನ ಮೇಲ್ಮೈನ ದೃಶ್ಯ –ಎಎಫ್‌ಪಿ ಚಿತ್ರ
ಬೀಜಿಂಗ್‌: ‘ಚಂದ್ರನ ಮೇಲ್ಮೈನ ಮಾದರಿಗಳನ್ನು ಸಂಗ್ರಹಿಸುವಲ್ಲಿ ಯಶಸ್ವಿಯಾಗಿರುವ ಬಾಹ್ಯಾಕಾಶ ನೌಕೆಯು ಅದರೊಂದಿಗೆ ಶೀಘ್ರವೇ ಭೂಮಿಗೆ ಮರಳಲಿದೆ’ ಎಂದು ಚೀನಾ ಸರ್ಕಾರವು ಗುರುವಾರ ಹೇಳಿದೆ.
ಚೀನಾವು ನವೆಂಬರ್‌ 24ರಂದು ದಕ್ಷಿಣ ದ್ವೀಪ ಪ್ರಾಂತ್ಯದ ಹೈನಾನ್‌ನ ವೆನ್‌ಚಾಂಗ್‌ ಬಾಹ್ಯಾಕಾಶ ಕೇಂದ್ರದಿಂದ ಉಡಾವಣೆ ಮಾಡಿದ್ದ ಚಾಂಗ್‌ ಇ–5 ನೌಕೆಯು ಮಂಗಳವಾರ ಚಂದ್ರನ ಮೇಲೆ ಇಳಿದಿತ್ತು.
‘ಗಗನನೌಕೆಯು, ಚಂದ್ರನ ಮೇಲ್ಮೈ ಮೇಲೆ ಗುರುತಿಸಲಾಗಿದ್ದ ನಿಗದಿತ ಸ್ಥಳದಿಂದ ಮಾದರಿಗಳನ್ನು ಸಂಗ್ರಹಿಸಿ ಅದನ್ನು ತನ್ನಲ್ಲೇ ಶೇಖರಿಸಿಟ್ಟುಕೊಂಡಿದೆ. ಆ ಮಾದರಿಗಳನ್ನು ಮತ್ತೊಂದು ವ್ಯೋಮನೌಕೆಯ (ಕ್ಯಾಪ್ಸೂಲ್‌) ಮೂಲಕ ಭೂ ಕಕ್ಷೆಗೆ ತರಲಾಗುತ್ತದೆ’ ಎಂದು ಚೀನಾ ರಾಷ್ಟ್ರೀಯ ಬಾಹ್ಯಾಕಾಶ ಸಂಸ್ಥೆಯ ಪ್ರಕಟಣೆ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.