ನ.20ಕ್ಕೆ ನೇಪಾಳದಲ್ಲಿ ಸಾರ್ವತ್ರಿಕ ಚುನಾವಣೆ

ಕಠ್ಮಂಡು: ನೇಪಾಳದ ಸಂಸತ್ತು ಹಾಗೂ ಪ್ರಾಂತೀಯ ವಿಧಾನಸಭೆಗಳಿಗೆ ಒಂದೇ ಹಂತದಲ್ಲಿ ನ.20ರಂದು ಶಾಂತಿಯುತವಾಗಿ ಚುನಾವಣೆ ನಡೆಯಲಿದೆ ಎಂದು ಚುನಾವಣಾ ಆಯೋಗದ ಮುಖ್ಯ ಚುನಾವಣಾ ಅಧಿಕಾರಿ ದಿನೇಶ್ ಕುಮಾರ್‌ ಥಪಾಲಿಯಾ ತಿಳಿಸಿದ್ಧಾರೆ.

ದೇಶದಾದ್ಯಂತ 7‍ಪ್ರಾಂತ್ಯ ಸೇರಿ ಒಟ್ಟು 1.7 ಕೋಟಿಗೂ ಹೆಚ್ಚು ಜನರು ಮತ ಚಲಾಯಿಸಲು ಅರ್ಹರಾಗಿದ್ದಾರೆ.275 ಫೆಡರಲ್ ಪಾರ್ಲಿಮೆಂಟ್‌ ಸದಸ್ಯರಲ್ಲಿ 165 ಸದಸ್ಯರು ನೇರ ಮತದಾನದಿಂದ ಆಯ್ಕೆಯಾಗಲಿದ್ದು, ಉಳಿದ 110 ಸ್ಥಾನಗಳಿಗೆ ಅನುಪಾತದ ಆಧಾರದಲ್ಲಿ ಆಯ್ಕೆ ನಡೆಯಲಿದೆ. ಇದೇ ರೀತಿ ಒಟ್ಟಾರೆ 550 ಪ್ರಾಂತೀಯ ಸಭೆಯಲ್ಲಿ 330 ಸ್ಥಾನ ನೇರ ಮತದಾನದ ಮೂಲಕವೂ, 220 ಸ್ಥಾನಕ್ಕೆ ಅನುಪಾತದ ಆಧಾರದಲ್ಲೂ ಆಯ್ಕೆ ನಡೆಯಲಿದೆ.