ಮಿಯಾಮಿ: ನಾಲ್ಕು ಅಂತಸ್ತಿನಿಂದ ಕೆಳಗೆ ಬಿದ್ದ ಮಗುವೊಂದು ತಾಳೆ ಮರದ ಮೇಲೆ ಬಿದ್ದು ನಂತರ ಪೊದೆಗಳಲ್ಲಿ ಸಿಲುಕಿ ಬದುಕುಳಿದ ಘಟನೆ ಮಿಯಾಮಿಯಲ್ಲಿ ನಡೆದಿದೆ.
ಸೋಮವಾರ ಬೆಳಿಗ್ಗೆ ಎರಡು ವರ್ಷದ ಮಗು ನಾಲ್ಕು ಅಂತಸ್ತಿನ ಕಟ್ಟಡದ ಕಿಟಕಿಯಿಂದ ಕೆಳಗೆ ಬಿದ್ದಿದೆ. ಈ ವೇಳೆ ಕಿಟಕಿಯ ಕೆಳಗಿದ್ದ ತಾಳೆ ಮರಕ್ಕೆ ಮಗು ಸಿಲುಕಿ ನಂತರ ಕೆಳಗೆ ಪೊದೆಗಳ ಮೇಲೆ ಬಿದ್ದಿದೆ. ಇದರಿಂದಾಗಿ ಮಗು ಕೆಳಕ್ಕೆ ಬೀಳುವ ವೇಗ ಕಡಿಮೆಯಾಗಿದೆ. ಮಗು ಭೂಮಿಗೆ ಸ್ಪರ್ಶಿಸದೆ ಪೊದೆಗಳಲ್ಲಿ ಸಿಲುಕಿತ್ತು ಎಂದು ಮಿಯಾಮಿ ಅಗ್ನಿ ಶಾಮಕ ದಳದ ಕ್ಯಾಪ್ಟನ್ ಇಗ್ನೇಷಿಯಸ್ ಕ್ಯಾರೊಲ್ ಅವರು ತಿಳಿಸಿದರು.
ಸದ್ಯ ಮಗು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದೆ. ಈ ಘಟನೆ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ. ಮಗು ಮನೆಯ ಕಿಟಕಿಯಿಂದ ಕೆಳಗೆ ಹೇಗೆ ಬಿತ್ತು. ಇದಕ್ಕೆ ಮಗುವಿನ ಪೋಷಕರು ಜವಾಬ್ದಾರಿಯೇ ಎಂಬುದರ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಮಿಯಾಮಿ ಪೊಲೀಸ್ ಅಧಿಕಾರಿ ಫ್ರೆಡ್ಡಿ ಕ್ರೂಜ್ ಅವರು ಮಾಹಿತಿ ನೀಡಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.