ರಷ್ಯಾ: ಭಾರತೀಯ ಸೇರಿ 8 ಮಂದಿಗೆ ಇರಿತ

ಮಾಸ್ಕೊ: ರಷ್ಯಾದ ಬಶ್ಕೋರ್ತೋಸ್ಥಾನ ಪ್ರಾಂತ್ಯದ ಉಫಾದಲ್ಲಿರುವ ವೈದ್ಯಕೀಯ ವಿಶ್ವವಿದ್ಯಾಲಯದ ಹಾಸ್ಟೆಲ್‌ನ ಸಭಾಂಗಣಕ್ಕೆ ನುಗ್ಗಿದ ಬಾಲಕ, ಒಬ್ಬ ಭಾರತೀಯ ವಿದ್ಯಾರ್ಥಿ ಸೇರಿ 8 ಜನರಿಗೆ ಚೂರಿಯಿಂದ ಇರಿದ ಘಟನೆ ಶನಿವಾರ ನಡೆದಿದೆ.

ಗಾಯಗೊಂಡವರಲ್ಲಿ ಇಬ್ಬರು ಪೊಲೀಸರು ಕೂಡ ಸೇರಿದ್ದು, ಎಲ್ಲರನ್ನೂ ಆಸ್ಪತ್ರೆಗೆ ದಾಖಲಿಸಲಾಗಿದೆ. ದಾಳಿ ಮಾಡಿರುವ 15 ವರ್ಷದ ಬಾಲಕ ತಾನೂ ಇರಿದುಕೊಂಡಿದ್ದು, ಆತನ ಸ್ಥಿತಿ ಗಂಭೀರವಾಗಿದೆ. ಆತನನ್ನು ಮಕ್ಕಳ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.