Russia–Ukraine war | ಯುದ್ಧದಲ್ಲಿ ಮಡಿದ 1,212 ಯೋಧರ ಶವ ತರಲಾಗಿದೆ: ಉಕ್ರೇನ್

ಕೀವ್‌: ರಷ್ಯಾದೊಂದಿಗಿನ ಯುದ್ಧದಲ್ಲಿ ಮೃತಪಟ್ಟ 1,212 ಯೋಧರ ಶವಗಳನ್ನು ದೇಶಕ್ಕೆ ತರಲಾಗಿದೆ ಎಂದು ಯುದ್ಧ ಕೈದಿಗಳ ವಿನಿಮಯದ ಹೊಣೆ ಹೊತ್ತಿರುವ ಉಕ್ರೇನ್‌ ಸಂಸ್ಥೆ ಬುಧವಾರ ತಿಳಿಸಿದೆ.

'ಸೇನಾ ವಾಪಸಾತಿ ಚಟುವಟಿಕೆಗಳ ಪರಿಣಾಮವಾಗಿ 1,212 ಮೃತ ಯೋಧರ ಶವಗಳನ್ನು ಉಕ್ರೇನ್‌ಗೆ ತರಲಾಗಿದೆ' ಎಂದು ಸಂಸ್ಥೆಯು ಟೆಲಿಗ್ರಾಮ್‌ ಮೂಲಕ ಮಾಹಿತಿ ನೀಡಿದೆ.

ಶವಗಳನ್ನು ಹೊಂದಿದ್ದ ಟ್ರಕ್‌ಗಳ ಹಿಂದೆ ಅಂತರರಾಷ್ಟ್ರೀಯ ರೆಡ್‌ಕ್ರಾಸ್‌ ಸಮಿತಿಯ (ಐಸಿಆರ್‌ಸಿ) ಸಿಬ್ಬಂದಿ ಗೋಪ್ಯ ಸ್ಥಳದಲ್ಲಿ ನಡೆದು ಹೋಗುತ್ತಿರುವ ಚಿತ್ರಗಳನ್ನೂ ಹಂಚಿಕೊಂಡಿದೆ.

ಉಕ್ರೇನ್‌ ಹಾಗೂ ರಷ್ಯಾ ಕಳೆದವಾರ ನಡೆದ ಮಾತುಕತೆಯ ವೇಳೆ ಶವಗಳ ಹಸ್ತಾಂತರ ಕುರಿತು ಮಹತ್ವದ ಒಪ್ಪಂದ ಮಾಡಿಕೊಂಡಿವೆ.