ಡೆನ್ಮಾರ್ಕ್‌ನ ಶಾಪಿಂಗ್ ಮಾಲ್‌ನಲ್ಲಿ ಗುಂಡಿನ ದಾಳಿ, ಕನಿಷ್ಠ 3 ಸಾವು

ಕೊಪನ್‌ಹೇಗನ್ (ಎಪಿ): ಡೆನ್ಮಾರ್ಕ್‌ ರಾಜಧಾನಿಕೊಪನ್‌ಹೇಗನ್‌ನ ಶಾಪಿಂಗ್‌ ಮಾಲ್‌ವೊಂದಲ್ಲಿಬಂದೂಕುಧಾರಿಯೊಬ್ಬ ಭಾನುವಾರ ನಡೆಸಿದ ಗುಂಡಿನ ದಾಳಿಯಲ್ಲಿ ಕನಿಷ್ಠ ಮೂವರು ಮೃತಪಟ್ಟು, ನಾಲ್ವರು ಗಾಯಗೊಂಡಿದ್ದಾರೆ.

ಈ ಸಂಬಂಧ ಸೋಮವಾರ 22 ವರ್ಷದ ಆರೋಪಿಯನ್ನು ಬಂಧಿಸಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

‘ದಾಳಿಯು ಭಯೋತ್ಪಾದಕ ಸಂಬಂಧಿತ ಘಟನೆ ಅಲ್ಲ. ಏಕಾಂಗಿಯಾಗಿ ಬಂದ ವ್ಯಕ್ತಿ ಮನಸೋ ಇಚ್ಛೆ ಗುಂಡಿನ ದಾಳಿ ನಡೆಸಿದ್ದಾನೆ’ ಎಂದು ಪೊಲೀಸರು ತಿಳಿಸಿದ್ದಾರೆ.