ಬೆಂಕಿ ನಂದಿಸಲು ಮುಂದಾಗಿದ್ದ ಸಿಬ್ಬಂದಿಯನ್ನು ಗುರಿಯಾಗಿಸಿ ದಾಳಿ: ಇಬ್ಬರು ಸಾವು

ಕೋಯೂರ್ ಡಿ'ಅಲೀನ್ (ಅಮೆರಿಕ): ಉತ್ತರ ಇಡಾಹೊ ಪರ್ವತದಲ್ಲಿ  ಹಬ್ಬಿದ್ದ ಬೆಂಕಿ ನಂದಿಸಲು ಮುಂದಾಗಿದ್ದ, ಅಗ್ನಿಶಾಮಕ ದಳದ ಸಿಬ್ಬಂದಿಯನ್ನು ಗುರಿಯಾಗಿಸಿ ನಡೆದ ದಾಳಿಯಲ್ಲಿ ಇಬ್ಬರು ಮೃತಪಟ್ಟಿದ್ದಾರೆ.

ಕೊಯೂರ್ ಡಿ'ಅಲೀನ್‌ನ ಉತ್ತರಕ್ಕೆ ಕ್ಯಾನ್‌ಫೀಲ್ಡ್ ಪರ್ವತದಲ್ಲಿ ಮಧ್ಯಾಹ್ನ ಬೆಂಕಿ ಕಾಣಿಸಿಕೊಂಡಿದ್ದು, ಸುಮಾರು ಅರ್ಧ ಗಂಟೆಯ ನಂತರ ಗುಂಡಿನ ಸದ್ದು ಕೇಳಿಬಂದಿದೆ ಎಂದು ಕೂಟೇನೈ ಕೌಂಟಿ ಶೆರಿಫ್ ಕಚೇರಿ ತಿಳಿಸಿದೆ.

ದಾಳಿ ನಡೆಸಿದರವರ ಕುರಿತು ಮಾಹಿತಿ ತಿಳಿದುಬಂದಿಲ್ಲ ಎಂದು ಅಧಿಕಾರಿ ತಿಳಿಸಿದರು. ‘ಇದು ನಮ್ಮ ಧೈರ್ಯಶಾಲಿ ಅಗ್ನಿಶಾಮಕ ದಳದ ಸಿಬ್ಬಂದಿಗಳ ಮೇಲೆ ನಡೆದ ಘೋರ ದಾಳಿ’ ಎಂದು ಗವರ್ನರ್ ಬ್ರಾಡ್ ಲಿಟಲ್ ತಿಳಿಸಿದ್ದಾರೆ.