ನೈಜೀರಿಯಾ | ಆತ್ಮಾಹುತಿ ಬಾಂಬ್‌ ದಾಳಿ; 10 ಮಂದಿ ಬಲಿ

ಅಬುಜಾ: ನೈಜೀರಿಯಾ ಈಶಾನ್ಯ ಭಾಗದ ಬೊರ್ನೊ ಪ್ರಾಂತ್ಯದ ರೆಸ್ಟೋರೆಂಟ್‌ ಮೇಲೆ ಆತ್ಮಾಹುತಿ ಬಾಂಬರ್‌ ನಡೆಸಿದ ದಾಳಿಯಲ್ಲಿ 10 ಮಂದಿ ಮೃತಪಟ್ಟಿದ್ದು, ಹಲವರು ಗಾಯಗೊಂಡಿದ್ದಾರೆ.

‘ಇಲ್ಲಿನ ಕೊಂಡುಗ ಪ್ರದೇಶದಲ್ಲಿ ಶುಕ್ರವಾರ ತಡರಾತ್ರಿ ಈ ದಾಳಿ ನಡೆದಿದೆ’ ಎಂದು ಪೊಲೀಸ್‌ ಇಲಾಖೆಯ ವಕ್ತಾರ ನಹುಂ ದಾಸೊ ತಿಳಿಸಿದರು.

ಯಾವುದೇ ಸಂಘಟನೆಗಳು ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ. ಈ ಭಾಗದಲ್ಲಿ ಈ ಹಿಂದೆ ಹಲವು ಸಲ ಇಸ್ಲಾಮಿಕ್‌ ಉಗ್ರಗಾಮಿ ಸಂಘಟನೆ ‘ಬೊಕೊ ಹರಾಮ್‌’ ದಾಳಿ ನಡೆಸಿತ್ತು.