ADVERTISEMENT

ಇಸ್ರೇಲ್ ಸೈನ್ಯದಿಂದ ಮೂವರು ಶಸ್ತ್ರಸಜ್ಜಿತ ಪ್ಯಾಲೆಸ್ತೀನಿಯರ ಹತ್ಯೆ

ರಾಯಿಟರ್ಸ್
Published 13 ಜನವರಿ 2024, 16:02 IST
Last Updated 13 ಜನವರಿ 2024, 16:02 IST
ಇಸ್ರೇಲ್ ಸೈನ್ಯದ ಪ್ರಾತಿನಿಧಿಕ ಚಿತ್ರ
ಇಸ್ರೇಲ್ ಸೈನ್ಯದ ಪ್ರಾತಿನಿಧಿಕ ಚಿತ್ರ   

ಜೆರುಸಲೇಂ: ತನ್ನ ವಶದಲ್ಲಿರುವ ವೆಸ್ಟ್ ಬ್ಯಾಂಕ್ ಜನವಸತಿ ಪ್ರದೇಶಕ್ಕೆ ನುಗ್ಗಲು ಯತ್ನಿಸಿದ ಮೂವರು ಶಸ್ತ್ರಸಜ್ಜಿತ ಪ್ಯಾಲೆಸ್ಟೀನಿಯರನ್ನು ತಮ್ಮ ಪಡೆಗಳು ಹತ್ಯೆ ಮಾಡಿವೆ ಎಂದು ಇಸ್ರೇಲ್ ಸೇನೆ ತಿಳಿಸಿದೆ.

ಹತ್ಯೆಗೊಳಗಾದವರ ಪೈಕಿ ಇಬ್ಬರಿಗೆ 16 ವರ್ಷ, ಮತ್ತೊಬ್ಬರಿಗೆ 19 ವರ್ಷ ವಯಸ್ಸಾಗಿತ್ತು ಎಂದು ಪ್ಯಾಲೆಸ್ಟೀನ್‌ನ ಅಧಿಕೃತ ಸುದ್ದಿ ಸಂಸ್ಥೆ ವಾಫಾ ತಿಳಿಸಿದೆ.

ಪ್ಯಾಲೆಸ್ಟೀನ್‌ನ ಹೀಬ್ರಾನ್ ನಗರದ ಸನಿಹದಲ್ಲಿರುವ ಅಡೋರಾ ಜನವಸತಿ ಪ್ರದೇಶದ ಬೇಲಿಯನ್ನು ಭೇದಿಸಿ ದಾಳಿಕೋರರು ಮುನ್ನುಗ್ಗಲು ಯತ್ನಿಸಿದರು. ಆಗ ನಡೆದ ಗುಂಡಿನ ಚಕಮಕಿಯಲ್ಲಿ ಯೋಧರೊಬ್ಬರು ಗಾಯಗೊಂಡಿದ್ದಾರೆ ಎಂದು ಇಸ್ರೇಲ್ ಸೇನೆ ತಿಳಿಸಿದೆ.    

ADVERTISEMENT

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.