ಆಗಸ್ಟ್‌ 1ರಿಂದ ಇಯು, ಮೆಕ್ಸಿಕೊ ಮೇಲೆ ಶೇ 30 ಸುಂಕ: ಡೊನಾಲ್ಡ್‌ ಟ್ರಂಪ್‌

ಬ್ರಿಡ್ಜ್‌ವಾಟರ್‌: ಯುರೋಪಿಯನ್‌ ಒಕ್ಕೂಟ (ಇಯು) ಹಾಗೂ ಮೆಕ್ಸಿಕೊ ಮೇಲೆ ಆಗಸ್ಟ್‌ 1ರಿಂದ ಶೇ 30ರಷ್ಟು ಸುಂಕ ವಿಧಿಸುವುದಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಶನಿವಾರ ಘೋಷಿಸಿದ್ದಾರೆ.

ಈ ಕುರಿತು ಮೆಕ್ಸಿಕೊ ಹಾಗೂ ಇಯುಗೆ ಬರೆದ ಪತ್ರವನ್ನು ಟ್ರಂಪ್‌ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಅಮೆರಿಕಕ್ಕೆ ಬರುವ ಅಕ್ರಮ ವಲಸಿಗರು ಹಾಗೂ ಫೆಂಟನಿಲ್‌ನಂತ‌ಹ ಮಾದಕ ವಸ್ತುಗಳ ಕಳ್ಳಸಾಗಣೆಯನ್ನು ತಡೆಗಟ್ಟಲು ಇದರಿಂದ ಸಾಧ್ಯವಾಗಲಿದೆ ಎಂದು ಅವರು ಮೆಕ್ಸಿಕೊಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.