ಬಾಂಬ್‌ ಸ್ಫೋಟ: ಟಿಟಿಪಿ ಕಮಾಂಡರ್‌ ಸಾವು

ಪೆಶಾವರ: ಪಾಕಿಸ್ತಾನದ ಖೈಬರ್‌ ಪಖ್ತುಂಕ್ವಾ ಪ್ರಾಂತ್ಯದಲ್ಲಿ ಕ್ವಾಡ್‌ಕಾಪ್ಟರ್‌ ಉಡ್ಡಯನ ಮಾಡುತ್ತಿದ್ದ ವೇಳೆ ಬಾಂಬ್‌ ಸ್ಫೋಟಗೊಂಡ ಪರಿಣಾಮ, ನಿಷೇಧಿತ ತೆಹ್ರೀಕ್‌–ಇ–ತಾಲಿಬಾನ್‌ ಪಾಕಿಸ್ತಾನ್‌ (ಟಿಟಿಪಿ) ಸಂಘಟನೆಯ ಕಮಾಂಡರ್‌ ಮೃತಪಟ್ಟಿದ್ದಾನೆ ಎಂದು ಮೂಲಗಳು ತಿಳಿಸಿವೆ.

ತಿರಾಹ್ ಕಣಿವೆಯಲ್ಲಿ ಕ್ವಾಡ್‌ಕಾಪ್ಟರ್‌ ಅನ್ನು ನಿರ್ವಹಣೆ ಮಾಡುತ್ತಿದ್ದ ವೇಳೆ ಆಕಸ್ಮಿಕವಾಗಿ ಬಾಂಬ್‌ ಬಿದ್ದು, ಕಮಾಂಡರ್‌ ಯಾಸೀನ್‌ ಅಲಿಯಾಸ್‌ ಅಬ್ದುಲ್ಲಾ ಮೃತಪಟ್ಟಿದ್ದು,  ಮತ್ತಿಬ್ಬರು ಗಾಯಗೊಂಡಿದ್ದಾರೆ. ಈ ವರ್ಷ ಮೇ 24ರಂದು ಯಾಸೀನ್‌ ಹಾಗೂ ಆತನ ತಂಡವು ಟಿಟಿಪಿಗೆ ಸೇರ್ಪಡೆಯಾಗಿತ್ತು.