ನೇಪಾಳ: ಜೀಪ್ ಅಪಘಾತದಲ್ಲಿ ಇಬ್ಬರು ಸಾವು, ಆರು ಮಂದಿಗೆ ಗಾಯ

ಕಠ್ಮಂಡು: ಜೀಪೊಂದು ಕಣಿವೆಗೆ ಉರುಳಿ ಬಿದ್ದ ಪರಿಣಾಮ ಇಬ್ಬರು ಮೃತ‍ಪಟ್ಟು, ಬಾಲಕಿ ಸೇರಿದಂತೆ ಆರು ಜನರು ಗಾಯಗೊಂಡಿರುವ ಘಟನೆ ನೇಪಾಳದ ಸುದೂರಪಶ್ಚಿಮ ಪ್ರಾಂತ್ಯದಲ್ಲಿ ಸಂಭವಿಸಿದೆ ಎಂದು ಮಾಧ್ಯಮಗಳು ಶನಿವಾರ ವರದಿ ಮಾಡಿವೆ.

ಜೀಪ್ ಚಾಲಕ ಸಂತೋಷ್ ಬಹದ್ದೂರ್ ರಾಣಾ (24) ಮತ್ತು ಕಿರಣ್ ಬೊಹೊರಾ (32) ಮೃತರು.

‘ಅಪಘಾತಕ್ಕೆ ಕಾರಣವೇನು ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ’ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.