ರಕ್ಷಣಾ ಕ್ಷೇತ್ರದಲ್ಲಿ ಭಾರತ–ಅಮೆರಿಕ ಬಾಂಧವ್ಯ ವೃದ್ಧಿಗೆ ಮಸೂದೆ ಮಂಡನೆ
Published 30 ಜೂನ್ 2020, 8:54 IST
ಭಾರತ–ಅಮೆರಿಕ ಬಾಂಧವ್ಯ: ಪ್ರಾತಿನಿಧಿಕ ಚಿತ್ರ
ವಾಷಿಂಗ್ಟನ್‍: ರಕ್ಷಣಾ ಕ್ಷೇತ್ರದಲ್ಲಿ ಭಾರತ ಮತ್ತು ಅಮೆರಿಕದ ಬಾಂಧವ್ಯ ಬಲಪಡಿಸಲು ನೆರವಾಗುವ ಮಸೂದೆಯನ್ನು ಆಡಳಿತರೂಢ ರಿಪಬ್ಲಿಕನ್‍ ಮತ್ತು ವಿರೋಧಪಕ್ಷ ಡೆಮಾಕ್ರಾಟಿಕ್ ಪಕ್ಷದ ಸದಸ್ಯರು ಮಂಗಳವಾರ ಮಂಡಿಸಿದರು.
ಮುಖ್ಯವಾಗಿ, ಐದನೇ ಪೀಳಿಗೆಯ ಆಧುನಿಕ ಯುದ್ಧವಿಮಾನಗಳು ಹಾಗೂ ಸೇನಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಸಂಶೋಧನೆ ಮತ್ತು ಅಭಿವೃದ್ಧಿಗೆ ಸಹಕಾರ ಹೊಂದಲು ಉದ್ದೇಶಿತ ಮಸೂದೆಯು ನೆರವಾಗಲಿದೆ.
ಎನ್‍ಡಿಎಎ 2021 ತಿದ್ದುಪಡಿ ಮಸೂದೆಯನ್ನು ಮಂಡಿಸಿದ ಸಂಸದರಾದ ಮಾರ್ಕ್ ವಾರ್ನರ್ ಮತ್ತು ಜಾನ್‍ ಕೊರಿನ್‍ ಅವರು ರಕ್ಷಣೆ ಮತ್ತು ಸಂಕೀರ್ಣ ಟೆಕ್ನಾಲಜೀಸ್‍ ಕ್ಷೇತ್ರದಲ್ಲಿ ಭಾರತ ಮತ್ತು ಅಮೆರಿಕ ಖಾಸಗಿ ವಲಯದ ಸಹಭಾಗಿತ್ವಕ್ಕೆ ಇರುವ ಸಾಧ್ಯತೆಗಳನ್ನು ವಿವರಿಸುವಂತೆ ರಕ್ಷಣಾ ಕಾರ್ಯದರ್ಶಿ ಮಾರ್ಕ್ ಎಸ್ಪೆರ್ ಅವರಿಗೆ ಕೋರಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.