ಭಯೋತ್ಪಾದನೆ ಸಂಘಟನೆಗಳ ಹಣಕಾಸು ವಹಿವಾಟಿಗೆ ಕಡಿವಾಣ ಹಾಕಿದ ಅಮೆರಿಕ
6.30 ಕೋಟಿ ಡಾಲರ್‌ ಮೊತ್ತ ತಡೆ ಹಿಡಿದ ಅಮೆರಿಕ
ವಾಷಿಂಗ್ಟನ್: ಭಯೋತ್ಪಾದನೆ ಸಂಘಟನೆಗಳಿಗೆ ವಿವಿಧ ಮೂಲಗಳಿಂದ ಲಭ್ಯವಾಗುತ್ತಿದ್ದ 6.30 ಕೋಟಿ ಡಾಲರ್‌ (₹ 460.23 ಕೋಟಿ) ಮೊತ್ತವನ್ನು 2019ರಲ್ಲಿ ತಡೆ ಹಿಡಿಯುವಲ್ಲಿ ಅಮೆರಿಕ ಯಶಸ್ವಿಯಾಗಿದೆ.
ಭಯೋತ್ಪಾದನೆ ಸಂಘಟನೆಗಳನ್ನು ಹತ್ತಿಕ್ಕುವ ಭಾಗವಾಗಿ ಅಮೆರಿಕ ಈ ಕ್ರಮಕೈಗೊಂಡಿದೆ. ಪಾಕಿಸ್ತಾನ ಮೂಲದ ಸಂಘಟನೆಗಳು ಇದರಲ್ಲಿ ಸೇರಿವೆ.
ಲಷ್ಕರ್‌– ಎ–ತಯ್ಯಬಾದ (ಎಲ್‌ಇಟಿ) 342000 ಡಾಲರ್‌, ಜೈಷ್‌–ಎ–ಮೊಹಮ್ಮದ್‌ ಸಂಘಟನೆಯ 1,725 ಡಾಲರ್‌ ಮತ್ತು ಹರ್ಕತ್‌–ಉಲ್‌–ಮುಜಾಹಿದ್ದೀನ್‌–ಅಲ್‌–ಇಸ್ಲಾಮಿ ಸಂಘಟನೆಯ 45,798 ಡಾಲರ್‌ ಮೊತ್ತವನ್ನು ತಡೆ ಹಿಡಿಯಲಾಗಿದೆ. ಪಾಕಿಸ್ತಾನ ಮೂಲದ ಈ ಮೂರು ಸಂಘಟನೆಗಳು ಭಯೋತ್ಪಾದನೆ ಚಟುವಟಿಕೆಯಲ್ಲಿ ತೊಡಗಿವೆ. ಹರ್ಕತ್‌–ಉಲ್‌– ಮುಜಾಹಿದ್ದೀನ್‌–ಅಲ್‌–ಇಸ್ಲಾಮಿ ಕಾಶ್ಮೀರದಲ್ಲಿ ತನ್ನ ಕೃತ್ಯಗಳನ್ನು ನಡೆಸುತ್ತಿದೆ ಎಂದು ಹಣಕಾಸು ಇಲಾಖೆಯ ವಾರ್ಷಿಕ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಹಿಜ್ಬುಲ್‌ ಮುಜಾಹಿದ್ದೀನ್‌ ಸಂಘಟನೆಯ 4,321 ಡಾಲರ್‌ ಮೊತ್ತವನ್ನು ತಡೆಯಲಾಗಿದೆ ಎಂದು ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.