ವಿದೇಶಿ ಪಡೆಗಳು ಅಫ್ಗಾನ್‌ನಿಂದ ನಿರ್ಗಮಿಸಿದರೆ ಐಎಸ್ ದಾಳಿ ನಿಲ್ಲಲಿದೆ: ತಾಲಿಬಾನ್
ಕಾಬೂಲ್: ಅಮೆರಿಕ ಸೇರಿದಂತೆ ವಿದೇಶಗಳ ಸೇನಾಪಡೆಗಳು ಅಫ್ಗಾನಿಸ್ತಾನದಿಂದ ತೆರಳಿದರೆ ಇಸ್ಲಾಮಿಕ್‌ ಸ್ಟೇಟ್ಸ್‌ (ಐಎಸ್) ಸಂಘಟನೆಯು ದೇಶದಲ್ಲಿ ದಾಳಿ ನಡೆಸುವುದನ್ನು ನಿಲ್ಲಿಸಲಿದೆ ಎಂದು ತಾಲಿಬಾನ್ ವಕ್ತಾರ ಜಬಿಹುಲ್ಲಾಹ್ ಮುಜಾಹಿದ್ ಹೇಳಿಕೆ ನೀಡಿದ್ದಾರೆ.
ʼವಿದೇಶಿಗರ ಅನುಪಸ್ಥಿತಿಯಲ್ಲಿ ದೇಶದಲ್ಲಿ ಇಸ್ಲಾಮಿಕ್‌ ಸರ್ಕಾರ ರಚನೆಯಾದರೆ, ಐಎಸ್‌ನಿಂದ ಪ್ರಭಾವಿತರಾದ ಅಫ್ಗನ್ನರು ತಮ್ಮ ಕಾರ್ಯಾಚರಣೆಗಳನ್ನು ನಿಲ್ಲಿಸಲಿದ್ದಾರೆ ಎಂಬ ವಿಶ್ವಾಸವಿದೆʼ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
ʼಅವರು (ಐಎಸ್) ಯುದ್ಧದ ಪರಿಸ್ಥಿತಿಯನ್ನು ಸೃಷ್ಟಿಸಿದರೆ ಮತ್ತು ತಮ್ಮ ಕಾರ್ಯಾಚರಣೆಯನ್ನು ಮುಂದುವರಿಸಿದರೆ, ಇಸ್ಲಾಂ ಸರ್ಕಾರವು ಅವರೊಂದಿಗೆ ವ್ಯವಹರಿಸಲಿದೆʼ ಎಂದೂ ತಿಳಿಸಿದ್ದಾರೆ.
ಐಎಸ್ ಉಗ್ರರು ಕಾಬೂಲ್ ವಿಮಾನ ನಿಲ್ದಾಣದ ಸಮೀಪ ಗುರುವಾರ ಆತ್ಮಾಹುತಿ ಬಾಂಬ್‌ ದಾಳಿ ನಡೆಸಿದ್ದರು. ಈ ವೇಳೆ ಅಮೆರಿಕದ 13 ಸೈನಿಕರು ಸೇರಿದಂತೆ 180 ಮಂದಿ ಮೃತಪಟ್ಟಿದ್ದರು. ಇದಕ್ಕೆ ಪ್ರತಿಯಾಗಿ ಯುಎಸ್‌ ಸೇನೆಯೂ ಐಎಸ್ ಉಗ್ರರನ್ನು ಗುರಿಯಾಗಿರಿಸಿ ಕಳೆದ ಕೆಲವು ದಿನಗಳಿಂದ ದಾಳಿ ನಡೆಸುತ್ತಿದೆ. ಇದರಿಂದ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದೆ.
ಕಾಬೂಲ್ ವಿಮಾನ ನಿಲ್ದಾಣದ ಸಮೀಪ ದಾಳಿ ನಡೆಸಲು ಸಜ್ಜಾಗಿದ್ದ ಐಎಸ್ ಉಗ್ರರ ವಾಹನವೊಂದರ ಮೇಲೆ ಭಾನುವಾರ ಡ್ರೋನ್‌ ದಾಳಿ ನಡೆಸಿರುವುದಾಗಿ ಅಮೆರಿಕ ತಿಳಿಸಿತ್ತು.
ಇವನ್ನೂ ಓದಿ
*ಅಫ್ಗಾನ್‌ನಿಂದ ತೆರವು ಕಾರ್ಯಾಚರಣೆ ಅವಮಾನಕರ: ಇಂಗ್ಲೆಂಡ್ ಸಂಸದ
*ಎಲ್ಲ ದೇಶಗಳೂ ತಾಲಿಬಾನ್‌ಗೆ ಸಕ್ರಿಯ ಮಾರ್ಗದರ್ಶನ ನೀಡಬೇಕು: ಚೀನಾ
*ಕಾಬೂಲ್ ವಿಮಾನ ನಿಲ್ದಾಣದ ಬಳಿ ರಾಕೆಟ್‌ ದಾಳಿ
*ಅಫ್ಗಾನಿಸ್ತಾನದಲ್ಲಿ ಸಂಘರ್ಷ: 20 ವರ್ಷಗಳ ಅಮೆರಿಕ ಕಾರ್ಯಾಚರಣೆ ಕೊನೆ
*ಉಗ್ರರಿಂದ ರಾಕೆಟ್‌ ದಾಳಿ: ಐಎಸ್ ಮೇಲೆ ಅಮೆರಿಕದ ಡ್ರೋನ್‌ ಕಾರ್ಯಾಚರಣೆ
*ತಾಲಿಬಾನ್: ಮಹಿಳೆಯ ಶಿಕ್ಷಣಕ್ಕೆ ಅವಕಾಶ; ಹುಡುಗ–ಹುಡುಗಿ ಒಟ್ಟಿಗೆ ಕಲಿಯುವಂತಿಲ್ಲ!
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.