ಆಫ್ಗನ್‌ನಲ್ಲಿ ಇನ್ನೂ ಉಳಿಯಲಿದ್ದಾರೆ 650 ಅಮೆರಿಕದ ಸೈನಿಕರು
ವಾಷಿಂಗ್ಟನ್‌: ಅಫ್ಗಾನಿಸ್ಥಾನದಲ್ಲಿ ಅಮೆರಿಕ ನಿಯೋಜಿಸಿರುವ ಮುಖ್ಯ ಸೇನಾ ಪಡೆಗಳನ್ನು ಹಿಂದಕ್ಕೆ ಕರೆಸಿಕೊಳ್ಳುವ ಪಕ್ರಿಯೆ ಪೂರ್ಣಗೊಂಡ ಮೇಲೂ, ಅಲ್ಲಿನ ರಾಜತಾಂತ್ರಿಕರಿಗೆ ಭದ್ರತೆ ಒದಗಿಸುವುದಕ್ಕಾಗಿ ಅಂದಾಜು 650 ಸೈನಿಕರನ್ನು ಅಲ್ಲೇ ಉಳಿಸುವ ಸಾಧ್ಯತೆ ಇದೆ ಎಂದು ಅಮೆರಿಕದ ಅಧಿಕಾರಿಗಳು ತಿಳಿಸಿದ್ದಾರೆ.
ಇದರ ಜತೆಗೆ, ನೂರಾರು ಹೆಚ್ಚುವರಿ ಅಮೆರಿಕಾದ ಸೈನಿಕರು ಸೆಪ್ಟೆಂಬರ್‌ವರೆಗೂ ಕಾಬೂಲ್‌ ವಿಮಾನ ನಿಲ್ದಾಣದಲ್ಲೇ ಉಳಿಯಲಿದ್ದು, ಟರ್ಕಿ ಸೇನಾಪಡೆಗಳಿಗೆ ಭದ್ರತೆಯ ವಿಷಯದಲ್ಲಿ ನೆರವಾಗಲಿವೆ. ಇದು ತಾತ್ಕಾಲಿಕ ಕ್ರಮವಾಗಿದ್ದು, ಟರ್ಕಿ ನೇತೃತ್ವದ ಭದ್ರತಾಪಡೆಯ ಕಾರ್ಯಾಚರಣೆ ನಡೆಯುವವರೆಗೂ ಚಾಲ್ತಿಯಲ್ಲಿರುತ್ತದೆ.
ಒಟ್ಟಾರೆ, ಜುಲೈ 4ರ ಒಳಗೆ ಅಮೆರಿಕ ಮತ್ತು ಸಮ್ಮಿಶ್ರ ಮಿಲಿಟರಿ ಕಮಾಂಡ್, ಅಲ್ಲಿ ನಿಯೋಜಿಸಿರುವ ಹೆಚ್ಚಿನ ಸೈನಿಕರನ್ನು ವಾಪಸ್‌ ಕರೆಸಿಕೊಳ್ಳಲು ನಿರೀಕ್ಷಿಸುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.