ಜಾಗತಿಕ ತುರ್ತುಸ್ಥಿತಿಯಾಗಿ ‘ಕೋವಿಡ್‌’: ಡಬ್ಲ್ಯುಎಚ್‌ಒ

ಲಂಡನ್: ಕೋವಿಡ್‌–19 ಪತ್ತೆಯಾದ ಎರಡೂವರೆ ವರ್ಷಗಳ ನಂತರವೂ ಅದು ಜಾಗತಿಕ ಆರೋಗ್ಯ ತುರ್ತುಸ್ಥಿತಿಯಾಗಿ ಉಳಿದಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಮಂಗಳವಾರ ಹೇಳಿದೆ.

‘ಹಲವು ದೇಶಗಳಲ್ಲಿ ಇನ್ನೂ ವರದಿಯಾಗುತ್ತಿರುವ ಕೋವಿಡ್ ಪ್ರಕರಣಗಳು, ಪತ್ತೆಯಾಗುತ್ತಿರುವ ಉಪ ತಳಿಗಳು ಹಾಗೂ ಆರೋಗ್ಯ ಸೇವೆಯ ಮೇಲೆ ಉಂಟಾಗುತ್ತಿರುವ ಒತ್ತಡದಿಂದಾಗಿ ಕೋವಿಡ್–19 ಇನ್ನೂ ಜಾಗತಿಕ ಆರೋಗ್ಯ ತುರ್ತುಸ್ಥಿತಿಯಾಗಿ ಉಳಿದಿದೆ’ ಎಂದು ವಿಶ್ವಸಂಸ್ಥೆಯ ತುರ್ತು ಸಮಿತಿಯ ಸ್ವತಂತ್ರ ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.