ಶುಕ್ರವಾರ, 7-10-1961

ರಾಜ್ಯ ಮಹಿಳೆಯರ ಸಮಾವೇಶ
ಬೆಂಗಳೂರು, ಅ. 6 - ರಾಜ್ಯದ ಮಹಿಳೆಯರ ಪರವಾಗಿ ಇಂದು ಇಲ್ಲಿ ಸಮಾವೇಶಗೊಂಡ ಮಹಿಳೆಯರ ಪ್ರಾತಿನಿಧಿಕ ಸಮ್ಮೇಳನ ತೃತೀಯ ಪಂಚವಾರ್ಷಿಕ ಯೋಜನೆಯ ಸಂದೇಶವನ್ನು ಜನತೆಗೆ ಸಾರಲು ಪಣತೊಟ್ಟಿತು.

ನಗರ ಭವನದಲ್ಲಿ ಸಮ್ಮೇಳನವನ್ನು ಉದ್ಘಾಟಿಸಿದ ಮುಖ್ಯಮಂತ್ರಿ ಶ್ರೀ ಬಿ. ಡಿ. ಜತ್ತಿ ಅವರು ತೃತೀಯ ಯೋಜನೆಯ ಪ್ರಮುಖ ಲಕ್ಷಣಗಳನ್ನು ವಿವರಿಸಿದರು.

ಸಮಗ್ರತೆಯ ರಕ್ಷಣೆ
ನವದೆಹಲಿ, ಅ. 6 - ತನ್ನ ಸಮಸ್ಯೆಯನ್ನು ರಕ್ಷಿಸಿಕೊಳ್ಳಲೋಸುಗ ಭಾರತವು ಶಸ್ತ್ರಸಜ್ಜಿತ ರಾಷ್ಟ್ರವಾಗಲು ಸಿದ್ಧವಾಗಿರಬೇಕೆಂದು ಕಲ್ಕತ್ತ ವಿಶ್ವವಿದ್ಯಾನಿಲಯದ ಮಾಜಿ ಉಪಕುಲಪತಿ ಡಾ. ಎಸ್. ಎನ್. ಬ್ಯಾನರ್ಜಿಯವರು ಇಂದು ಇಲ್ಲಿ ತಿಳಿಸಿದರು.