25 ವರ್ಷಗಳ ಹಿಂದೆ | ಕೇಂದ್ರ–ತಮಿಳುನಾಡಿನ ನೆರವಿನಿಂದ ವೀರಪ್ಪನ್‌ ಬೇಟೆ: SM ಕೃಷ್ಣ

ಬೆಂಗಳೂರು, ನ.22– ಕೇಂದ್ರ ಮತ್ತು ತಮಿಳುನಾಡು ಸರ್ಕಾರಗಳ ನೆರವು ಮತ್ತು ಸಹಕಾರ ಪಡೆದು ಕರ್ನಾಟಕವನ್ನು ‘ವೀರಪ್ಪನ್‌ ಪಿಡುಗಿನಿಂದ’ ಮುಕ್ತಗೊಳಿಸಲಾಗುವುದು ಎಂದು ಮುಖ್ಯಮಂತ್ರಿ ಎಸ್‌.ಎಂ ಕೃಷ್ಣ ಅವರು ವಿಧಾನಸಭೆಯಲ್ಲಿ ಇಂದು ಆಶ್ವಾಸನೆ ನೀಡಿದರು.

ವೀರಪ್ಪನ್‌ ಪ್ರಕರಣ ಕರ್ನಾಟಕಕ್ಕೆ ಕಪ್ಪುಚುಕ್ಕೆಯಾಗಿದೆ ಎಂದ ಅವರು, ವೀರಪ್ಪನ್‌ ಹಾವಳಿ, ರಾಜ್‌ಕುಮಾರ್‌ ಅಪಹರಣ ಹಾಗೂ ಅವರ ಬಿಡುಗಡೆವರೆಗಿನ ಘಟನಾವಳಿಗಳನ್ನು ವಿವರಿಸಿದರು.