25 ವರ್ಷಗಳ ಹಿಂದೆ | ಬಾವಿಗೆ ಬಸ್ ಬಿದ್ದು 50 ಜನರ ಸಾವು

ಹರಪನಹಳ್ಳಿ, ಆ. 26– ಇಲ್ಲಿಗೆ ಸಮೀಪದ ಉಚ್ಚಂಗಿದುರ್ಗದಲ್ಲಿ ಪ್ರಯಾಣಿಕರಿಂದ ತುಂಬಿದ್ದ ಖಾಸಗಿ ಬಸ್‌ವೊಂದು ರಸ್ತೆ ಪಕ್ಕದ ಬಾವಿಯಲ್ಲಿ ಮುಳುಗಿ 50ಕ್ಕೂ ಹೆಚ್ಚು ಮಂದಿ ಜಲಸಮಾಧಿ ಆಗಿರಬಹುದೆಂದು ಶಂಕಿಸಲಾಗಿದೆ.

ದಾವಣಗೆರೆ ಜಿಲ್ಲೆ ಹರಪನಹಳ್ಳಿಯಿಂದ 30 ಕಿ.ಮೀ. ದೂರದ ಉಚ್ಚಂಗಿದುರ್ಗದಲ್ಲಿರುವ ನೂರು ಚದರಡಿ ವಿಸ್ತೀರ್ಣದ ‘ಅರಿಸಿನ ಬಾವಿ’ಯಲ್ಲಿ ಈ ಬಸ್ ಮುಳುಗಿದೆ. ಬಸ್ಸಿನ ಮೇಲೆ ಸುಮಾರು ಏಳು ಅಡಿಯಷ್ಟು ನೀರಿದ್ದು ರಕ್ಷಣಾ ಕಾರ್ಯಕ್ಕೆ ಹೊಂಡದ ಗಲೀಜು ನೀರಿನಿಂದ ತೊಂದರೆಯಾಗಿದೆ.