25 ವರ್ಷಗಳ ಹಿಂದೆ | ಬುಧವಾರ, 19–4–1995

ಸಂಧಾನದಿಂದ ಪ್ರಾದೇಶಿಕ ವಿವಾದ ಪರಿಹಾರಕ್ಕೆ ಇರಾನ್‌ ಕರೆ

ನವದೆಹಲಿ ಏ.18(ಪಿಟಿಐ)– ಪ್ರಾದೇಶಿಕ ವಿವಾದಗಳನ್ನು ರಾಜಕೀಯ ಮಾತುಕತೆ ಮತ್ತು ಅಂತಾರಾಷ್ಟ್ರೀಯ ಅಂಗೀಕೃತ ತತ್ವಗಳ ಆಧಾರದ ಮೇಲೆ ಬಗೆಹರಿಸಿಕೊಳ್ಳಬೇಕು ಎಂದು ಇರಾನ್‌ ಕರೆ ನೀಡಿತು. ಸಂಸತ್ತಿನ ಉಭಯ ಸದನಗಳ ಸದಸ್ಯರನ್ನು ಉದ್ದೇಶಿಸಿ ಮಾತನಾಡಿದ ಇರಾನ್‌ ಅಧ್ಯಕ್ಷ ಹಷ್ಮಿ ರಫ್ಸಂಜಾನಿ, ಧಾರ್ಮಿಕ, ಜನಾಂಗೀಯ ಸಂಘರ್ಷ ಹುಟ್ಟು ಹಾಕುವ ಶಕ್ತಿಗಳ ಮೇಲೆ ನಿಗಾ ಇಡುವಂತೆ ಒತ್ತಾಯಿಸಿದರು.