50 ವರ್ಷಗಳ ಹಿಂದೆ: ಭಾನುವಾರ 24–01–1971

ರಾಜ್ಯದ 71–72ನೇ ಸಾಲಿನ ಯೋಜನಾ ವೆಚ್ಚ 70 ಕೋಟಿ ರೂ.

ನವದೆಹಲಿ ಜ. 23: ಮೈಸೂರು ರಾಜ್ಯದ 1971–72ನೇ ಸಾಲಿನ ಯೋಜನೆಯ ವೆಚ್ಚ ಸುಮಾರು ಎಪ್ಪತ್ತು ಕೋಟಿ ರೂಪಾಯಿ.

ರಾಜ್ಯದ ಯೋಜನೆಗಾಗಿ ಕೇಂದ್ರ ಸರ್ಕಾರದಿಂದ 36.60 ಕೋಟಿ ರೂ. ನೆರವು ಸಿಗುವ ನಿರೀಕ್ಷೆ ಇದೆ. ಮೈಸೂರು ರಾಜ್ಯದ ಮುಖ್ಯಮಂತ್ರಿ ವೀರೇಂದ್ರ ಪಾಟೀಲ್‌ ಮತ್ತು ಯೋಜನಾ ಆಯೋಗದ ಉಪಾಧ್ಯಕ್ಷ ಡಿ.ಆರ್‌. ಗುಡ್ಗೀಳ್ಅ ವರು ರಾಜ್ಯದ ವಾರ್ಷಿಕ ಯೋಜನೆಯ ಕುರಿತು ಇಂದು ಚರ್ಚಿಸಿದರು. ಚರ್ಚೆ ಕಾಲದಲ್ಲಿ ಮೈಸೂರಿನ ಅರ್ಥ ಸಚಿವ ರಾಮಕೃಷ್ಣ ಹೆಗ್ಗಡೆಯವರೂ ಹಾಜರಿದ್ದರು.