50 ವರ್ಷಗಳ ಹಿಂದೆ: ಸೋಮವಾರ, ಮಾರ್ಚ್‌ 12, 1973

ದಾಸವಾಳ: ಮನೋರೋಗಕ್ಕೆ ಒಳ್ಳೆಯ ಮದ್ದು
ಚಂಡೀಗಢ, ಮಾರ್ಚ್‌ 11– ದಾಸವಾಳ ಹೂವು ಮನೋ ರೋಗಗಳಿಗೆ ಉತ್ತಮ ಔಷಧಿ ಯೆಂದು ಪಾಟಿಯಾಲ ಸರ್ಕಾರಿ ಆಯುರ್ವೇದ ಕಾಲೇಜಿನ ಪ್ರಿನ್ಸಿಪಾಲ್‌ ಡಾ. ಅಮರನಾಥ ಶಾಸ್ತ್ರಿ ಅವರು ತಿಳಿಸಿದ್ದಾರೆ.

ದಾಸವಾಳ ಹೂವಿನಿಂದ ತಯಾರಿಸಿದ ತೈಲವನ್ನು ತಲೆಗೆ ತಿಕ್ಕುವುದರಿಂದ ನಿದ್ದೆ ಬಾರದವರಿಗೆ ಚೆನ್ನಾಗಿ ನಿದ್ದೆ ಬರುತ್ತದೆ. ಇದು ನೆತ್ತಿಗೆ ಸಂಬಂಧಿಸಿದ ರೋಗಗಳನ್ನೂ ಗುಣಪಡಿಸುವುದೆಂದು ಅವರು ಹೇಳಿದ್ದಾರೆ.