75 ವರ್ಷಗಳ ಹಿಂದೆ: ಎಂ. ಶಾಮಣ್ಣನವರ ಮನೆಯಲ್ಲಿ ಕಳ್ಳತನ

ಎಂ. ಶಾಮಣ್ಣನವರ ಮನೆಯಲ್ಲಿ ಕಳ್ಳತನ

ಬೆಂಗಳೂರು, ನ. 17– ಬಸವನ ಗುಡಿಯಲ್ಲಿರುವ ಸರ್ಕಾರದ ಹಣಕಾಸಿನ ಕಾರ್ಯದರ್ಶಿಗಳಾದ ಎಂ. ಶಾಮಣ್ಣನವರ ಮನೆಯಲ್ಲಿ ನಿನ್ನೆ ರಾತ್ರಿ ಯಾರೋ ಮನೆಗೆ ನುಗ್ಗಿ ದೇವರ ಮನೆಯಲ್ಲಿದ್ದ ಸುಮಾರು 400 ರೂ. ಬೆಲೆಬಾಳುವ ದೇವರ ಸಾಮಾನುಗಳನ್ನು ಕಳವು ಮಾಡಿಕೊಂಡು ಹೋಗಿದ್ದಾರೆಂದು ವರದಿಯಾಗಿದೆ.

ಇಂದು ಸಂಜೆ ಹೊತ್ತಿಗೆ ಪೊಲೀಸರು ಕಳವು ಮಾಲನ್ನು ಪತ್ತೆ ಮಾಡಿದರೆಂದು ತಿಳಿದುಬಂದಿದೆ. ಕಳವು ವರದಿಯಾದ ಕೂಡಲೇ ಡಿಎಸ್‌ಪಿ ನರಸಿಂಹಯ್ಯ ಹಾಗೂ ಎಎಸ್‌ಪಿ ಜನಾಬ್‌ ಜಹಿರುದ್ದೀನ್‌ ಅವರು, ಶಾಮಣ್ಣನವರ ಮನೆಗೆ ಭೇಟಿ ಕೊಟ್ಟು ಪರಿಶೀಲಿಸಿದರು.