75 ವರ್ಷಗಳ ಹಿಂದೆ ಈ ದಿನ: ಕೋಸಿ ನದಿ ಪ್ರವಾಹದಿಂದ ಅಪಾರ ವಿಪತ್ತು

ಕೋಸಿ ನದಿ ಪ್ರವಾಹದಿಂದ ಅಪಾರ ವಿಪತ್ತು 

ಪಾಟ್ನ, ಆ.23– ಬಿಹಾರದ ಉತ್ಪಾತನದಿಯೆಂದು ಹೆಸರಾಗಿರುವ ಕೋಸಿ ನದಿಯಲ್ಲಿ ಅತಿವೃಷ್ಟಿ ದೆಸೆಯಿಂದ ಬೃಹತ್‌ ಪ್ರವಾಹವು ಉಕ್ಕೇರಿ 320 ಚದರ ಮೈಲಿಯಷ್ಟು ಭೂಪ್ರದೇಶವನ್ನು ಕೊಚ್ಚಿ  ನಾಶಮಾಡಿ ಪಾಳುಗೆಡವಿದೆ. ಇದರಿಂದ ದರ್ಬಾನಾ ಜಿಲ್ಲೆಯ 5 ಲಕ್ಷ ಪ್ರಜೆಗಳಿಗೆ ಹೊಟ್ಟೆಗಿಲ್ಲದಂತಾಗಿ ಅಗಾಧ ವಿಪತ್ತನ್ನು ತಂದೊಡ್ಡಿರುವುದಲ್ಲದೆ, ಕರ್ಕಶಮಯಗೊಂದಲವನ್ನೆಬ್ಬಿಸಿದೆ. ಭತ್ತ ಮತ್ತು ಇತರ ಫಸಲುಗಳು ಇನ್ನೂ ನೀರಿನೊಳಗೆ ಮುಳುಗಿದ್ದು, ಸಂಪೂರ್ಣ ನಾಶವಾಗಿವೆಯೋ ಎಂಬ ಭಯ ಕಾಡುತ್ತಿದೆ.