75 ವರ್ಷಗಳ ಹಿಂದೆ | ಮೈಸೂರಿನಲ್ಲಿ ಮಹಾ ಚುನಾವಣೆ

ಮೈಸೂರಿನಲ್ಲಿ ಮಹಾ ಚುನಾವಣೆ

ಬೆಂಗಳೂರು, ಜುಲೈ 13– ಸುಮಾರು 40 ಲಕ್ಷ ಮತದಾರರನ್ನು ಪಟ್ಟಿಗೆ ಸೇರಿಸಲು 10 ಸಾವಿರ ಮಂದಿ 4 ಗಂಟೆಗಳಿಗಿಂತ ಹೆಚ್ಚಿನ ಕೆಲಸ ಮಾಡಿದ್ದಾರೆ. ಮತದಾರರ ಪಟ್ಟಿ ತಯಾರಿಸಲು ಸುಮಾರು 15 ಲಾರಿಗಳ ತುಂಬ ಅಥವಾ 40 ಟನ್ ಪೇಪರ್‌ ಬೇಕಾಗಬಹುದು. ಪಟ್ಟಿಯನ್ನು ಹರಡಿದಲ್ಲಿ 2 ಸಾವಿರ ಮೈಲಿಗಿಂತ ಉದ್ದವಿರುವುದು. ಮೈಸೂರಿನ ಸೆನ್ಸಸ್ ಕಮಿಷನರ್ ಜೆ.ಬಿ. ಮಲ್ಲಾರಾಧ್ಯರು ಇಂದು ನಮ್ಮ ಪ್ರತಿನಿಧಿಗಿತ್ತ ಭೇಟಿಯಲ್ಲಿ ಈ ವಿಷಯಗಳನ್ನು ತಿಳಿಸಿದರು.

ನಿರಾಶ್ರಿತ ಮಹಿಳೆಗೆ ತ್ರಿವಳಿ ಮಕ್ಕಳು

ಸಿಲ್‌ಜಾರ್ (ಅಸ್ಸಾಂ), ಜುಲೈ 13– ಜಿಲ್ಲೆಯ ಆಸ್ಪತ್ರೆಯೊಂದರಲ್ಲಿ ನಿರಾಶ್ರಿತ ಮಹಿಳೆಯೊಬ್ಬರು ಕಳೆದ ಶನಿವಾರ ತ್ರಿವಳಿ ಮಕ್ಕಳನ್ನು ಹಡೆದರೆಂದು ತಿಳಿದುಬಂದಿದೆ.

ಅವುಗಳಲ್ಲಿ ಎರಡು ಗಂಡು ಮಕ್ಕಳು. ತಾಯಿ ಮತ್ತು ಶಿಶುಗಳು ಆರೋಗ್ಯದಿಂದಿದ್ದಾರೆ.