25 ವರ್ಷಗಳ ಹಿಂದೆ | ಕೃಷ್ಣಾ: ರಾಜ್ಯದ ಪಾಲು ಬಳಕೆಗೆ ಕಾರ್ಯತಂತ್ರ

ಕಲ್ಬುರ್ಗಿ, ಅ. 14– ಬಚಾವತ್‌ ತೀರ್ಪಿನ ‘ಬಿ’ ಯೋಜನೆಯಂತೆ ರಾಜ್ಯಕ್ಕೆ ದೊರೆಯುವ ಕೃಷ್ಣಾ ನೀರಿನ ಪಾಲನ್ನು ಬಳಸಲು ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ಶೀಘ್ರದಲ್ಲಿಯೇ ವಿರೋಧ ಪಕ್ಷಗಳ ಜೊತೆ ಚರ್ಚಿಸಿ ಕಾರ್ಯತಂತ್ರವನ್ನು ರೂಪಿಸಲಾಗುವುದು ಎಂದು ಮುಖ್ಯಮಂತ್ರಿ ಎಸ್‌.ಎಂ. ಕೃಷ್ಣ ಅವರು, ಇಂದು ತಿಳಿಸಿದರು.

ಅವರು ಇಲ್ಲಿ ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮವನ್ನು ಉದ್ಘಾಟಿಸಿ ಮಾತನಾಡಿದರು.

ಸದ್ಯದಲ್ಲಿಯೇ ಸೇರಲಿರುವ ವಿಧಾನ ಮಂಡಲದ ಅಧಿವೇಶನ ಸಂದರ್ಭದಲ್ಲಿ ವಿರೋಧ ಪಕ್ಷಗಳು ಮತ್ತು ತಜ್ಞರೊಂದಿಗೆ ಈ ಬಗ್ಗೆ ಚರ್ಚಿಸಿ ಸರ್ವಸಮ್ಮತ ಕಾರ್ಯತಂತ್ರವನ್ನು ರೂಪಿಸಲಾಗುವುದು ಎಂದರು.

‘ಗ್ರೀಟಿಂಗ್ಸ್‌ ಪೋಸ್ಟ್‌’ ಯೋಜನೆ ಆರಂಭ

ಮಂಗಳೂರು, ಅ. 14– ಗ್ರಾಹಕರಿಗೆ ಗ್ರೀಟಿಂಗ್ಸ್‌ ಕಾರ್ಡ್‌ ಒದಗಿಸುವ ‘ಗ್ರೀಟಿಂಗ್ಸ್‌ ಪೋಸ್ಟ್‌’ ಯೋಜನೆಯನ್ನು ಮಂಗಳೂರು ಅಂಚೆ ಇಲಾಖೆ ಜಾರಿಗೊಳಿಸಿದೆ.