75 ವರ್ಷಗಳ ಹಿಂದೆ | ಮುಂಬಯಿ: ಮೂರು ಸಾವು 29 ಮಂದಿಗೆ ಗಾಯ
75 ವರ್ಷಗಳ ಹಿಂದೆ
ಮುಂಬಯಿ, ಆಗಸ್ಟ್ 31– ಇಲ್ಲಿನ ಉತ್ತರ ವಲಯದ ಕೈಗಾರಿಕಾ ಪ್ರದೇಶದಲ್ಲಿ ಕಳೆದ 15 ದಿನಗಳಿಂದ ನಡೆಯುತ್ತಿರುವ ಬಟ್ಟೆ ಗಿರಣಿ ಕಾರ್ಮಿಕರ ಹೋರಾಟವು, ಇಂದು ಹಿಂಸಾರೂಪ ತಳೆದಿದೆ.
ಹಿಂದೂ ಮಜ್ದೂರ್‌ ಸಭಾ ನೇತೃತ್ವದಡಿ ನಡೆಯುತ್ತಿರುವ ಈ ಹೋರಾಟವನ್ನು ಹತ್ತಿಕ್ಕಲು ಪೊಲೀಸರು ನಡೆಸಿದ ಗುಂಡಿನ ದಾಳಿಯಲ್ಲಿ ಮೂವರು ಮೃತಪಟ್ಟಿದ್ದು, 29 ಮಂದಿ ಗಾಯಗೊಂಡಿದ್ದಾರೆ. ಇಬ್ಬರು ಪೊಲೀಸ್‌ ಅಧಿಕಾರಿಗಳು ಗಾಯಗೊಂಡಿದ್ದಾರೆ.
ವಿಮಾನ ಪತನ: 55 ಸಾವು
ಕೈರೊ, ಆಗಸ್ಟ್ 31– ಫ್ರಾಂಕ್‌ಫರ್ಟ್‌ನಿಂದ ಕೈರೊಕ್ಕೆ ಬರುತ್ತಿದ್ದ ‘ಸ್ಟಾರ್‌ ಆಫ್‌ ಮೇರಿಲ್ಯಾಂಡ್‌’ ವಿಮಾನವು ಇಂದು ಬೆಳಿಗ್ಗೆ ಪತನಗೊಂಡಿದ್ದು, ವಿಮಾನದಲ್ಲಿದ್ದ 55 ಪ್ರಯಾಣಿಕರು ಮೃತಪಟ್ಟಿದ್ದಾರೆ. ಇವರಲ್ಲಿ 8 ಮಂದಿ ಭಾರತೀಯರು ಸೇರಿದ್ದಾರೆ ಎಂದು ಟ್ರಾನ್‌ವರ್ಲ್ಡ್‌ ಏರ್‌ಲೈನ್ಸ್‌ ತಿಳಿಸಿದೆ.
ಮೃತಪಟ್ಟವರಲ್ಲಿ ಅಮೆರಿಕದ ಐವರು ಪ್ರಜೆಗಳು ಇದ್ದಾರೆ ಎಂದು ತಿಳಿಸಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.