ಪ್ರಜಾವಾಣಿಯಲ್ಲಿ 25 ವರ್ಷಗಳ ಹಿಂದೆ: ಗುರುವಾರ 9.1.1997

ತಮಿಳುನಾಡಿಗೂ ನಿರ್ಬಂಧ ಹೇರಲು ಆಗ್ರಹ

ನವದೆಹಲಿ, ಜ. 8– ನ್ಯಾಯಮಂಡಳಿಯ ಅಂತಿಮ ತೀರ್ಪು ಬರುವವರೆಗೆ ತಮಿಳುನಾಡಿಗೆ ಪ್ರತಿವರ್ಷ 205 ಟಿಎಂಸಿ ನೀರನ್ನು ಬಿಡಬೇಕೆಂಬ ಹಿಂದಿನ ಆದೇಶದ ಕ್ರಮಬದ್ಧತೆಯನ್ನು ಕರ್ನಾಟಕ ಇಂದು ಕಾವೇರಿ ಜಲ ವಿವಾದ ನ್ಯಾಯಮಂಡಳಿಯ ಮುಂದೆ ಬಲವಾಗಿ ಪ್ರಶ್ನಿಸಿತು.

‘ಕರ್ನಾಟಕದ ವಾಸ್ತವ ಸಮಸ್ಯೆಯನ್ನು ಅರ್ಥ ಮಾಡಿಕೊಳ್ಳಿ; ಕರ್ನಾಟಕಕ್ಕೆ ವಿಧಿಸಿರುವಂತೆ ತಮಿಳುನಾಡಿಗೂ ಕೆಲವು ನಿರ್ಬಂಧಗಳನ್ನು ಹಾಕಬೇಕು’ ಎಂದು ಒತ್ತಾಯಿಸಿತು.