25 ವರ್ಷಗಳ ಹಿಂದೆ‌ | ಕೋಲಾರ ಬಳಿ ಅಪಘಾತ: ಏಳು ಮಂದಿ ಸಾವು

ಕೋಲಾರ, ಅ. 13– ಇಲ್ಲಿಗೆ 30 ಕಿ.ಮೀ. ದೂರದ ಮುಳಬಾಗಲು ಪಟ್ಟಣ ಹೊರವಲಯದ ಬೈಪಾಸ್‌ ರಸ್ತೆಯಲ್ಲಿನ ರಾಷ್ಟ್ರೀಯ ಹೆದ್ದಾರಿ 4ರಲ್ಲಿ ಗುರುವಾರ ಮಧ್ಯರಾತ್ರಿಯಲ್ಲಿ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಏಳು ಮಂದಿ ಮೃತಪಟ್ಟಿದ್ದು, 20ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.

ಚೆನ್ನೈನ ಜಯರಾಂ (23), ಕೋಲಾರದ ನಿವಾಸಿಗಳಾದ ಅಮ್ಜದ್‌ ಪಾಷಾ (16), ಫಯಾಜ್ ಪಾಷಾ (24), ಸಲೀಂ ಪಾಷಾ (25), ರಹಮತ್‌ ಉಲ್ಲಾ (28), ಫೈರೋಜ್ (25) ಮೃತಪಟ್ಟಿದ್ದಾರೆ. ಮೃತಪಟ್ಟಿರುವ ಮತ್ತೊಬ್ಬ 15 ವರ್ಷದ ಬಾಲಕನ ಗುರುತು ಪತ್ತೆಯಾಗಿಲ್ಲ.

ತೀವ್ರವಾಗಿ ಗಾಯಗೊಂಡು ಚಿಂತಾಜನಕ ಸ್ಥಿತಿಯಲ್ಲಿದ್ದ ಮೂವರನ್ನು ಬೆಂಗಳೂರಿನ ನಿಮ್ಹಾನ್ಸ್‌ ಆಸ್ಪತ್ರೆಗೆ ಕಳುಹಿಸಲಾಗಿದೆ.