ಜನಪದ ಲೋಕದಲ್ಲಿ ಹೀಗೇಕೆ?

ಬೆಂಗಳೂರು ಮೈಸೂರು ರಸ್ತೆಯಲ್ಲಿ, ರಾಮನಗರ- ಚನ್ನಪಟ್ಟಣದ ಮಧ್ಯದಲ್ಲಿರುವ `ಜನಪದ ಲೋಕ~ವು ರಾಜಕೀಯ  ಚಟುವಟಿಕೆಗಳ ತಾಣವಾಗುತ್ತಿರುವುದು ವಿಷಾದಕರ ಸಂಗತಿಯಾಗಿದೆ.

 ಕಳೆದ ಬುಧವಾರ ಬೆಂಗಳೂರು ಪದವೀಧರರ ಕ್ಷೇತ್ರದ ಅಭ್ಯರ್ಥಿಯೊಬ್ಬರು ಶಿಕ್ಷಕರಿಗೆ, ಪದವೀಧರರಿಗೆ ಜನಪದ ಲೋಕದ `ದೊಡ್ಡಮನೆ~ಯಲ್ಲಿ ಮಾಂಸ ಮತ್ತು ಮದ್ಯದ ಪಾರ್ಟಿ ನೀಡಿದ್ದರು. ಈ ಪಾರ್ಟಿಯು `ಜನಪದ ಲೋಕ~ಕ್ಕೆ ಭೇಟಿ ನೀಡಿದ ಅನೇಕ ವೀಕ್ಷಕರಿಗೆ ಬೇಸರ ಉಂಟು ಮಾಡಿತು.

ಜನಪದ ಲೋಕವನ್ನು ನಿರ್ವಹಣೆ ಮಾಡುತ್ತಿರುವ ಪದಾಧಿಕಾರಿಗಳು ಇಂತಹ ಚಟುವಟಿಕೆಗಳಿಗೆ ಬಾಡಿಗೆಗೆ ನೀಡಬಾರದು. `ದೊಡ್ಡಮನೆ~ ಕುರಿತಾಗಿ ಅದರ ಸ್ಥಾಪಕ ಎಚ್.ಎಲ್. ನಾಗೇಗೌಡರ ಉದ್ದೇಶಗಳನ್ನು ಸ್ಮರಿಸಿಕೊಳ್ಳಬಾರದೇ..