ಟಿ.ಜಿ.ಟಿ. ಎಂಬ ಬಲವಂತದ ಹಣೆಪಟ್ಟಿ

ಒಂದರಿಂದ ಏಳನೇ ತರಗತಿವರೆಗಿದ್ದ ಪ್ರಾಥ­ಮಿಕ ಶಾಲೆಗಳಲ್ಲಿ ಹಲವನ್ನು ಸರ್ಕಾರ, ಸರ್ವ ಶಿಕ್ಷಣ ಅಭಿಯಾನ ಯೋಜನೆಯಡಿ ಉನ್ನತೀ­ಕರಿಸಿ ಎಂಟನೇ ತರಗತಿಯನ್ನು ಪ್ರಾರಂಭಿ­ಸಿದೆ. ಪ್ರೌಢ­ಶಾಲೆಯೊಂದಿಗಿದ್ದ ಎಂಟನೇ ತರ­ಗತಿಗೆ ಬೋಧಿ­ಸಲು ಬಿ.ಎಸ್ಸಿ., ಬಿ.ಎಡ್‌ ಆದ ಶಿಕ್ಷಕ­ರನ್ನು ನೇಮಿಸಿದೆ. ಅವರು ಗಣಿತ, ವಿಜ್ಞಾನ ಬೋಧಿ­­ಸುತ್ತಾರೆ. ಉಳಿದ ವಿಷಯ­ಗ­ಳನ್ನು ಪ್ರಾಥ­­ಮಿಕ ಶಾಲಾ ಶಿಕ್ಷಕರೇ ಬೋಧಿ­ಸುತ್ತಿ­ದ್ದಾರೆ. ಈಚೆಗೆ ಉನ್ನತೀ­ಕರಿಸಿದ ಸರ್ಕಾರಿ ಪ್ರಾಥ­ಮಿಕ ಶಾಲೆ­ಗ­ಳಲ್ಲಿ ಈ ಗಣಿತ, ವಿಜ್ಞಾನ ಬೋಧಿ­ಸುವ ಶಿಕ್ಷಕ­ರನ್ನೂ ನೇಮಿಸಲಾಗಿಲ್ಲ.

ಉನ್ನತೀ­ಕರಿಸಿದ ಕೆಲವು ಪ್ರಾಥಮಿಕ ಶಾಲೆಗಳಲ್ಲಿ ಗಣಿತ, ವಿಜ್ಞಾನ ಬೋಧಿಸುತ್ತಿರುವ ಈ ಶಿಕ್ಷಕರಿಗೆ ಸಿ.ಬಿ.ಎಸ್‌.ಇ. ಮಾದರಿಯಂತೆ ‘ಟಿ.ಜಿ.ಟಿ. (Trained graduate teachers)– ಪಿ.ಸಿ.ಎಂ.’ ಎಂಬ ವಿಶಿಷ್ಟ ಹಣೆಪಟ್ಟಿ ನೀಡಿ, ಪ್ರತ್ಯೇಕಿಸಲಾಗಿದೆ.

2005ರಲ್ಲಿ ಹೊರತುಪಡಿಸಿ, ನಂತರದ ನೇಮಕಾತಿಗಳಲ್ಲಿ ಪ್ರೌಢಶಾಲಾ ಶಿಕ್ಷಕರ ಹುದ್ದೆಗೆಂದೇ ಅರ್ಹತಾ ಪರೀಕ್ಷೆ ಬರೆದು ಉತ್ತೀರ್ಣರಾದ ಹಲವರನ್ನು ಈ ಟಿ.ಜಿ.ಟಿ. – ಪಿ.ಸಿ.ಎಂ. ಹುದ್ದೆಗೆ ನೇಮಕ ಮಾಡ­­ಲಾಗಿದೆ. ಅನೇಕರು ನೇಮಕಾತಿ ಆದಾ­­ಗಿ­ನಿಂದ ಗ್ರಾಮೀಣ ಪ್ರದೇಶ­ದಲ್ಲೇ ಕೆಲಸದಲ್ಲಿ­ದ್ದಾರೆ. ಅವರಿಗೆ ಉನ್ನತೀ­ಕರಿ­ಸಿದ ಪ್ರಾಥ­ಮಿಕ ಶಾಲೆಗಳಿಗಷ್ಟೇ ವರ್ಗಾವಣೆ­.

ಈಗ ಹೊಸ ನೇಮ­ಕಾತಿ ಆಗುವಾಗ ಅವರಿಗೆ ಪ್ರೌಢಶಾಲಾ ಶಿಕ್ಷಕರಂತೆ ‘ಸಿ’ ಶ್ರೇಣಿ ಶಾಲೆಗಳಿಂದ ‘ಬಿ’ಗೂ ‘ಬಿ’ ಶ್ರೇಣಿ ಶಾಲೆಗಳಿಂದ ‘ಎ’ಗೂ ವರ್ಗಾವಣೆಗೆ ಅವಕಾಶ ನೀಡಿ ಅವರ ಸ್ಥಾನಗಳನ್ನು ಹೊಸ ನೇಮ­ಕಾತಿ­ಯಿಂದ ತುಂಬಬೇಕು. ಇಲ್ಲವಾದರೆ ಹಲವು ವರ್ಷ­ಗಳಿಂದ ಸೌಕರ್ಯಗಳಿಲ್ಲದ ಸ್ಥಳದಲ್ಲಿ ದುಡಿ­ಯುತ್ತಿರುವ ಅವರು ಅಲ್ಲೇ ನಿವೃತ್ತಿ­ಯಾಗಬೇಕಾದ ಪರಿಸ್ಥಿತಿ ಒದಗುತ್ತದೆ. ಸರ್ಕಾರ ಈ ಬಗ್ಗೆ ಗಮನ ಹರಿಸಬೇಕು.