ನಂಬಿಕೆಗಳ ವಾಣಿಜ್ಯೀಕರಣ

`ಅಕ್ಷಯ ತೃತೀಯ~ದಂದು ಚಿನ್ನ ಅಥವಾ ಆಸ್ತಿ ಕೊಳ್ಳಲು ಶುಭ ದಿನ ಎಂದು ಯಾವುದೇ ಹಿಂದೂ ಶಾಸ್ತ್ರ ಗ್ರಂಥಗಳಲ್ಲಿ ಹೇಳಿಲ್ಲ. ಅಂದು ಬಡ-ಬಗ್ಗರಿಗೆ ದಾನ ಮಾಡಿದವನು ಸ್ವರ್ಗಕ್ಕಿಂತ ಉನ್ನತ ಸ್ಥಾನ ಪಡೆಯುತ್ತಾನೆ ಎಂದು ಕೆಲ ಶಾಸ್ತ್ರಗಳಲ್ಲಿ ಸ್ಪಷ್ಟವಾಗಿ ಹೇಳಲಾಗಿದೆ.

ಆ ದಿನ ಖರೀದಿಸಿದ ಚಿನ್ನ-ಬೆಳ್ಳಿ ಅಥವಾ ಬೇರೆ ಅಮೂಲ್ಯ ವಸ್ತುಗಳನ್ನು ದಾನ ಮಾಡದೇ ಮನೆಯಲ್ಲೇ ಇಟ್ಟುಕೊಂಡರೆ ಅದರಿಂದ `ಕ್ಷಯ~ ಉಂಟಾಗುತ್ತದೆ, ಅಂದರೆ ಕುಟುಂಬದ ಸಂಪತ್ತು ಕ್ಷೀಣಿಸುತ್ತಾ ಹೋಗುತ್ತದೆ ಎಂದು ಶಾಸ್ತ್ರ ಗ್ರಂಥಗಳಲ್ಲಿ ಹೇಳಲಾಗಿದೆ.

 ಚಿನ್ನದ ವ್ಯಾಪಾರಿಗಳು ವಿಶೇಷವಾಗಿ ಉತ್ತರ ಭಾರತೀಯರು ಶಾಸ್ತ್ರಗಳಲ್ಲಿ ಹೇಳಲಾದ ಸಂಗತಿಯನ್ನು ತಿರುಚಿ ತಮಗೆ ಲಾಭವಾಗುವಂತೆ ಮಾಡಿಕೊಂಡಿದ್ದಾರೆ. ಹಿಂದೂಗಳ ನಂಬಿಕೆಗಳನ್ನು ದುರುಪಯೋಗಪಡಿಸಿಕೊಂಡು ವಾಣಿಜ್ಯೀಕರಣಗೊಳಿಸುತ್ತಿದ್ದಾರೆ. ಇದನ್ನು ಪ್ರಜ್ಞಾವಂತರೆಲ್ಲರೂ ವಿರೋಧಿಸಬೇಕಿದೆ.