ನೆರೆಯ ‘ಸ್ವರ್ಗ’

ನೆರೆ ರಾಷ್ಟ್ರಗಳಿಗೆ ಹೋಲಿಸಿದರೆ ‘ಭಾರತೀಯರಿಗೆ ನೆಮ್ಮದಿ ಗಗನ ಕುಸುಮ’ ಎಂಬ ವರದಿಯೊಂದು ಪ್ರಕಟವಾಗಿದೆ (ಪ್ರ.ವಾ., ಮಾರ್ಚ್ 28).

‘ನೆರೆಯ ಪಾಕಿಸ್ತಾನದ ಜನರು ಇತರ ಎಲ್ಲ ದೇಶಗಳ ನಾಗರೀಕರಿಗಿಂತ ಹೆಚ್ಚು ನೆಮ್ಮದಿಯಿಂದ ಇದ್ದಾರೆ’ ಎಂದು ಸಮೀಕ್ಷೆ ಹೇಳಿದೆ. ಸಮೀಕ್ಷೆ ಈಗ ಪ್ರಕಟವಾಗಿದೆ ಅಷ್ಟೇ. ಈ ಕುರಿತು ವರ್ಷಗಳ ಹಿಂದೆಯೇ ನಮ್ಮ ನಟಿಯೊಬ್ಬರು, ‘ಪಾಕಿಸ್ತಾನ ಸ್ವರ್ಗ’ ಎಂದು ಹೇಳಿದ್ದು ನೆನಪಾಗುತ್ತದೆ. ಬಹುಶಃ ಅವರದು ‘ದಿವ್ಯ’ದೃಷ್ಟಿಯೇ ಇರಬೇಕು.

ಮಾಧ್ಯಮಗಳ ಸಮೀಕ್ಷಾ ವರದಿ ಬರುವುದಕ್ಕೂ ಮೊದಲೇ ಅವರು ಈ ವಿಚಾರ ತಿಳಿಸಿರುವುದರಿಂದ ಅವರಿಗೆ ಅಭಿನಂದನೆ ಸಲ್ಲಿಸಬಹುದೇನೋ!

ಪಾಕಿಸ್ತಾನ ನೆಮ್ಮದಿಯಾಗಿರುವುದಕ್ಕೆ ಯಾರದೂ ಅಭ್ಯಂತರವಿಲ್ಲ. ಜೊತೆಗೆ ‘ನಿಮ್ಮ ನೆರೆ ದೇಶಗಳನ್ನೂ ನೆಮ್ಮದಿಯಿಂದ ಇರಲು ಬಿಡಿ’ ಎಂಬುದಷ್ಟೇ ನಮ್ಮ ಆಶಯ.

– ಕೀರ್ತಿ ಪಿ. ಎಂ., ಬೆಂಗಳೂರು