ಪುಢಾರಿಗಳನ್ನೇ ನೇಮಿಸಿ!

ರಾಜ್ಯದ ಹಲವು ವಿಶ್ವವಿದ್ಯಾಲಯಗಳಲ್ಲಿ ಹತ್ತಾರು ತಿಂಗಳುಗಳಿಂದ ಕುಲಪತಿ ಹುದ್ದೆಯನ್ನು ‘ಪ್ರಭಾರಿ’ಗಳೇ ನಿರ್ವಹಿಸುತ್ತಿದ್ದಾರೆ. ಅರ್ಹ ವ್ಯಕ್ತಿಗಳನ್ನು ಗುರುತಿಸಿ ಅವರಿಗೆ ಅಧಿಕಾರ ನೀಡಲು ಇಷ್ಟೊಂದು ದಿನಗಳು ಬೇಕೆಂದರೆ ರಾಜ್ಯದಲ್ಲಿ ಉನ್ನತ ಶಿಕ್ಷಣದ ಸ್ಥಿತಿ ಹೇಗಿದೆ ಎಂದು ಅರ್ಥವಾಗುತ್ತದೆ.

ಶೋಧನಾ ಸಮಿತಿ ಸೂಚಿಸಿದ ಹೆಸರನ್ನು ತಿರಸ್ಕರಿಸುವ ರಾಜ್ಯಪಾಲರು ಶೀಘ್ರದಲ್ಲೇ ಇನ್ನೊಬ್ಬರ ನೇಮಕಕ್ಕಾದರೂ ಕ್ರಮ ಕೈಗೊಳ್ಳಬೇಡವೇ? ಶೋಧನಾ ಸಮಿತಿ ಸೂಚಿಸಿದವರಲ್ಲಿ ಕುಲಪತಿಯಾಗುವ ಅರ್ಹತೆ ಇಲ್ಲವೆಂದಾದರೆ ರಾಜ್ಯಪಾಲರು ತಮ್ಮ ರಾಜಕೀಯ ಅನುಭವವನ್ನು ಬಳಸಿ ರಾಜಕೀಯ ವ್ಯಕ್ತಿಗಳನ್ನಾದರೂ ಈ ಹುದ್ದೆಗಳಿಗೆ ನೇಮಕ ಮಾಡಲಿ. ಅವರಾದರೂ ರಾಜ್ಯಪಾಲರು ಹೇಳಿದಂತೆ ಅಧಿಕಾರ ಚಲಾಯಿಸುವರೇನೋ?

–ಮಹದೇವಪ್ಪ ಪಿ., ಮೈಸೂರು