ದೃಶ್ಯ ಮಾಧ್ಯಮಗಳಲ್ಲಿ ಹಾಸ್ಯಮಾಲಿನ್ಯದ ಬಗ್ಗೆ ಯೋಗಾನಂದ ಅವರು ಪ್ರಸ್ತಾಪಿಸಿರುವುದು (ಸಂಗತ, ಜೂನ್ 25) ಗಂಭೀರವಾದ ಸಂಗತಿ. ಇಂದಿನ ಹಾಸ್ಯ ಕಾರ್ಯಕ್ರಮಗಳಲ್ಲಿ ಒಂದೋ ಯಾರಾದರೊಬ್ಬರನ್ನು ಹೀಯಾಳಿಸುವುದು, ಇಲ್ಲವಾದರೆ ‘ಡಬಲ್ ಮೀನಿಂಗ್’ ಸಂಭಾಷಣೆಗಳೇ ಹಾಸ್ಯದ ವಸ್ತುವಿಷಯವಾಗಿರುತ್ತವೆ.
ಚಾರ್ಲಿ ಚಾಪ್ಲಿನ್, ಮಿಸ್ಟರ್ ಬೀನ್, ಟಾಮ್ ಆ್ಯಂಡ್ ಜರ್ರಿಯಂತಹ ಪ್ರಸಿದ್ಧ ಹಾಸ್ಯ ಕಾರ್ಯಕ್ರಮಗಳಲ್ಲಿ ತಮ್ಮನ್ನು ತಾವೇ ಇಕ್ಕಟ್ಟಿನಲ್ಲಿ ಸಿಕ್ಕಿಸಿಕೊಂಡು ಸೃಜಿಸುವ ಹಾಸ್ಯ ಎಷ್ಟು ಸೃಜನಾತ್ಮಕವಾಗಿಲ್ಲವೇ? ಅಲ್ಲಿ ಇನ್ನೊಬ್ಬರಿಗೆ ನೋವುಂಟು ಮಾಡುವುದಾಗಲೀ ಭಾವನೆಗಳಿಗೆ ಧಕ್ಕೆಯನ್ನುಂಟು ಮಾಡುವುದಾಗಲೀ ಹೀಯಾಳಿಸುವುದಾಗಲೀ ದ್ವಂದ್ವಾರ್ಥದ ಹಾಸ್ಯವಾಗಲೀ ಇಲ್ಲವೇ ಇಲ್ಲ. ಆದರೂ ಇಂದಿಗೂ ಅವರ ಹಾಸ್ಯಗಳು ಪ್ರೇಕ್ಷಕರನ್ನು ನಗಿಸುತ್ತಿಲ್ಲವೇ? ಹಾಸ್ಯವೆಂದರೆ ಅಶ್ಲೀಲವಲ್ಲ.
-ಈರಣ್ಣ ಎನ್.ವಿ.,ಶಿರಾ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.