ವಾಟ್ಸ್‌ಆ್ಯಪ್‌ ವೈದ್ಯರಿಂದ ಉಚಿತ ಸಲಹೆ!

ಕೊರೊನಾ ವೈರಸ್ ಬಗ್ಗೆ ಎಚ್ಚರಿಕೆ ಸಂದೇಶಗಳು ಸಾಮಾಜಿಕ ಜಾಲತಾಣದಲ್ಲಿ ಬಹಳಷ್ಟು ಹರಿದಾಡುತ್ತಿವೆ. ಅದರೊಂದಿಗೆ, ಈ ವೈರಸ್ ತಡೆಗಟ್ಟಲು ಹಲವಾರು ಔಷಧಿ, ಮನೆ ಮದ್ದುಗಳನ್ನೂ ಕೆಲವರು ಹೆಸರಿಸುತ್ತಿದ್ದು, ಇವು ಜನಸಾಮಾನ್ಯರಲ್ಲಿ ಗೊಂದಲ ಮೂಡಿಸುತ್ತಿವೆ. ನಮ್ಮ ದೇಶವು ಗಿಡಮೂಲಿಕಾ ಔಷಧಿಗಳ ಭಂಡಾರ. ಪ್ರತಿಯೊಂದು ಗಿಡಬಳ್ಳಿಯೂ ತನ್ನದೇ ಆದ ವಿಶಿಷ್ಟ ಔಷಧೀಯ ಗುಣವನ್ನು ಹೊಂದಿದೆ. ಆದರೆ ವಾಟ್ಸ್‌ಆ್ಯಪ್‌ ವೈದ್ಯರು ಸೂಚಿಸುವ ಈ ಔಷಧಿಗಳನ್ನು ಒರೆಗೆ ಹಚ್ಚದೆ ನಂಬುವುದಾದರೂ ಹೇಗೆ?

–ಮಂಜುನಾಥ್ ಜೈನ್ ಎಂ.ಪಿ., ಮಂಡ್ಯ