ವಾಚಕರ ವಾಣಿ: ದೇವಾಲಯದ ಹಿಂದೆ ವಾದ್ಯ ನುಡಿಸಿದಂತೆ!

ಹಾವೇರಿ ಕನ್ನಡ ಸಾಹಿತ್ಯ ಸಮ್ಮೇಳನಾಧ್ಯಕ್ಷರ ಮೆರವಣಿಗೆಯಲ್ಲಿ ಕಲಾ ಪ್ರದರ್ಶನ ನೀಡಲು ಉತ್ಸುಕವಾಗಿದ್ದ, ನಾಡಿನ ನಾನಾ ಭಾಗಗಳಿಂದ ಬಂದಿದ್ದ ಕಲಾತಂಡಗಳಿಗೆ ನಿರಾಸೆ ಉಂಟಾಯಿತು. ಸಾಮಾನ್ಯವಾಗಿ ಯಾವುದೇ ಉತ್ಸವದ ಮೆರವಣಿಗೆಯಲ್ಲಿ ಉತ್ಸವಮೂರ್ತಿಯ ರಥದ ಮುಂದೆ ಕಲಾವಿದರ ಕಲಾಪ್ರದರ್ಶನ ಸಾಗುವುದು ವಾಡಿಕೆ. ಆದರೆ ಈ ಸಾಹಿತ್ಯ ಸಮ್ಮೇಳನದಲ್ಲಿ ಇದೇ ಪ್ರಥಮ ಬಾರಿಗೆ ಸಮ್ಮೇಳನಾಧ್ಯಕ್ಷರ ಮೆರವಣಿಗೆಯ ಹಿಂದೆ ಕಲಾತಂಡಗಳು ಬರುವಂತೆ ಮಾಡಿದ್ದು ಎಷ್ಟು ಸರಿ? ಇದರಿಂದ ಕಲಾವಿದರಿಗೆ ಸಿಗಬೇಕಾಗಿದ್ದ ಮನ್ನಣೆ ಸಿಗದಂತಾ ಯಿತು. ಈ ರೀತಿ ಮಾಡಿರುವುದು ದೇವಸ್ಥಾನದ ಹಿಂದೆ ವಾದ್ಯ ನುಡಿಸಿದಂತೆ ಅಲ್ಲವೇ?

–ಶಿವಕುಮಾರ್, ಸಾರ್ಥವಳ್ಳಿ