ಹುಕ್ಕಾ ಅಡ್ಡೆ ವಿರುದ್ಧವೂ ಕ್ರಮ ಜರುಗಲಿ

ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನಕ್ಕೆ ಕಡಿವಾಣ ಹಾಕಿದ್ದರಿಂದ ಅಂತಹ ಕಡೆ ಸಿಗರೇಟು ಸೇವನೆ ಸ್ವಲ್ಪಮಟ್ಟಿಗೆ ಕಡಿಮೆಯಾಗಿತ್ತು. ಆದರೆ, ಸರ್ಕಾರವು ಗುಟ್ಕಾ ನಿಷೇಧಿಸಿದ್ದರೂ ತಯಾರಕರು ಅಡಿಕೆ ಹಾಗೂ ತಂಬಾಕನ್ನು ಬೇರೆ ಬೇರೆ ಪೊಟ್ಟಣಗಳಲ್ಲಿ ಮಾರಾಟ ಮಾಡುವುದರಿಂದ ಗುಟ್ಕಾ ಸೇವನೆಗೆ ಸಂಪೂರ್ಣ ಕಡಿವಾಣ ಹಾಕಲಾಗಿಲ್ಲ. ಇನ್ನು ದೊಡ್ಡ ದೊಡ್ಡ ನಗರಗಳಲ್ಲಂತೂ ಹುಕ್ಕಾ ಅಡ್ಡೆಗಳು ತಲೆ ಎತ್ತಿವೆ. ಇದಕ್ಕೆ ಬಲಿಯಾಗುತ್ತಿರುವವರಲ್ಲಿ ಕಾಲೇಜು ವಿದ್ಯಾರ್ಥಿಗಳೇ ಹೆಚ್ಚು. ಇ– ಸಿಗರೇಟು ನಿಷೇಧಿಸಿದಂತೆ ಹುಕ್ಕಾ ಅಡ್ಡೆಗಳ ವಿರುದ್ಧವೂ ಕಟ್ಟುನಿಟ್ಟಿನ ಕ್ರಮ ಕೈಗೊಂಡು ಸಾಮಾಜಿಕ ಸ್ವಾಸ್ಥ್ಯ ಕಾಪಾಡಬೇಕು.

-ಗಂಗಾಧರ ಅಂಕೋಲೆಕರ,ಧಾರವಾಡ