ರಾಜಕಾರಣಿಗಳ ಈ ಆಕ್ಷೇಪ ತರವೇ?

ರಾಜಕೀಯದಲ್ಲಿ ಧರ್ಮಗುರುಗಳ ಹಸ್ತಕ್ಷೇಪದ ಕುರಿತು ನಡೆಯುತ್ತಿರುವ ಚರ್ಚೆಯಲ್ಲಿ ಹೆಚ್ಚಿನ ರಾಜಕಾರಣಿಗಳು ಸ್ವಾಮೀಜಿಗಳ ಹಸ್ತಕ್ಷೇಪದ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಆದರೆ ತಮ್ಮ ಪಾಡಿಗೆ ತಾವು ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಸೇವೆ ಮಾಡಿಕೊಂಡಿದ್ದ ಸ್ವಾಮೀಜಿಗಳನ್ನು ರಾಜಕೀಯ ಪಡಸಾಲೆಗೆ ಎಳೆದುತಂದಿದ್ದೇ ಈ ರಾಜಕಾರಣಿಗಳು.

ಇದೇ ರಾಜಕಾರಣಿಗಳು ಪ್ರತೀ ಚುನಾವಣೆಯ ಸಂದರ್ಭದಲ್ಲೂ ಆಯಾ ಜಾತಿಯ ಸ್ವಾಮೀಜಿಗಳನ್ನು ಭೇಟಿ ಮಾಡಿ ಆಶೀರ್ವಾದ ಪಡೆದು, ಮತಗಳು ತಮ್ಮ ಪರವಾಗಿ ಬೀಳುವಂತೆ ಬೇಡಿಕೊಂಡು, ಗೆದ್ದು ಬಂದಿರುವುದು ಸುಳ್ಳಲ್ಲ. ಈಗ ಹಸ್ತಕ್ಷೇಪವನ್ನು ವಿರೋಧಿಸಿದರೆ ಹೇಗೆ?

ಅಶೋಕ ಓಜಿನಹಳ್ಳಿ, ಕೊಪ್ಪಳ