ರಾಜಕಾರಣಿಗಳೆಂದರೆ...

ಪಕ್ಷಕ್ಕೆ ಕರೆತಂದು ಬೆಳೆಸಿದ ಸಾಕಿದ ಗಿಣಿ
ಪಕ್ಷ ವಿರೋಧಿ ಚಟುವಟಿಕೆಯಿಂದ
ಬೆಳೆಸಿದವರನ್ನೇ ಕುಕ್ಕುವ ಹದ್ದು
ಪಕ್ಷದಿಂದ ಪಕ್ಷಕ್ಕೆ ಜಿಗಿಯುವ ಕಪ್ಪೆ
ಬಣ್ಣ ಬದಲಾಯಿಸುವ ಊಸರವಳ್ಳಿ
ಬಿಕರಿಯಾಗುವ ಕುದುರೆಗಳು
ಗುಮ್ಮುವ ಟಗರು...
ದಿನಬೆಳಗಾದರೆ ಮಾಧ್ಯಮಗಳಲ್ಲಿ
ಕಾಣುತ್ತವೆ ಈ ಪದಪುಂಜ...
ಇದೇನು, ರಾಜಕಾರಣಿಗಳೆಂದರೆ
ಜನಸೇವೆಗೆ ಇರುವ ಜನನಾಯಕರೋ
ಅಥವಾ ಬಗೆ ಬಗೆ ಪ್ರಾಣಿ, ಪಕ್ಷಿಗಳೋ!

–ಸವಿತಾ ಸಚ್ಚಿದಾನಂದ,ಚಿಕ್ಕಮಗಳೂರು