ಮಾದರಿ ಶಿಕ್ಷೆ ಪರಿಗಣಿಸಿ

ನ್ಯಾಯಾಂಗ ನಿಂದನೆ ಪ್ರಕರಣ ಎದುರಿಸುತ್ತಿದ್ದ ದಂಪತಿಗೆ ಎರ್ನಾಕುಲಂನ ಸರ್ಕಾರಿ ಆಸ್ಪತ್ರೆಯಲ್ಲಿ 100 ಗಂಟೆಗಳ ಕಾಲ ರೋಗಿಗಳ ಆರೈಕೆ ಮಾಡಬೇಕೆಂಬ ಸಾಮಾಜಿಕ ಸೇವೆಯ ಶಿಕ್ಷೆ ವಿಧಿಸಿರುವ ಕೇರಳ ಹೈಕೋರ್ಟ್ ಆದೇಶ (ಪ್ರ.ವಾ., ಮಾರ್ಚ್‌ 20) ಶ್ಲಾಘನೀಯ. ಅಪರಾಧ ಮಾಡುವವರಿಗೆ ಸಾಮಾನ್ಯವಾಗಿ ದಂಡ, ಗಡಿಪಾರು, ಜೈಲುವಾಸದಂತಹ ಶಿಕ್ಷೆಗಳನ್ನು ನ್ಯಾಯಾಲಯಗಳು ನೀಡುತ್ತವೆ. ಸಮಾಜಕ್ಕೆ ಒಳಿತನ್ನು ಉಂಟುಮಾಡುವ ಇಂತಹ ಶಿಕ್ಷೆಗಳನ್ನೂ ಕೆಲವು ಪ್ರಕರಣಗಳಲ್ಲಿ ಪರಿಗಣಿಸಬೇಕು. ಇದರಿಂದ ಅಪರಾಧಿಗಳ ಮನಃಪರಿವರ್ತನೆಗೆ ಸೂಕ್ತ ಅವಕಾಶ ಮಾಡಿಕೊಟ್ಟಂತೆ ಸಹ ಆಗುತ್ತದೆ.