ವಾಚಕರ ವಾಣಿ: ಮಹಿಳೆಯರಿಗೆ ಸಿಗಲಿ ಪ್ರಾಶಸ್ತ್ಯ

ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿಗೆ (ಸೆಬಿ) ಮೊದಲ ಅಧ್ಯಕ್ಷೆಯಾಗಿ ಮಾಧವಿ ಪುರಿ ಬುಚ್ ಅವರು ನೇಮಕಗೊಂಡಿರುವುದು ಸಮಾಜಕ್ಕೆ ಆದರ್ಶವಾಗಬೇಕು. ಹೆಣ್ಣಿನ ಬಗೆಗಿರುವ ಕೀಳರಿಮೆ ಇನ್ನೂ ನಮ್ಮ ಸಮಾಜದಿಂದ ಪೂರ್ತಿ ತೊಲಗಿಲ್ಲ. ಹೆಣ್ಣು ಮನಸ್ಸು ಮಾಡಿದರೆ ಪುರುಷನಿಗೆ ಸಮಾನವಾಗಿ ಉನ್ನತ ಸ್ಥಾನಕ್ಕೆ ಏರಬಹುದು ಎಂಬುದಕ್ಕೆ ಇದೊಂದು ಉದಾಹರಣೆ.

ಹೀಗೆ ಪ್ರತೀ ರಂಗದಲ್ಲೂ ಮಹಿಳೆಯರಿಗೆ ಪ್ರಾಶಸ್ತ್ಯ ನೀಡಬೇಕು. ಈ ಮೂಲಕ ಅಸಮಾನತೆ ಪಿಡುಗನ್ನು ತೊಡೆಯಬೇಕು. ಯುವತಿಯರು ಇದರಿಂದ ಪ್ರೇರಣೆ ಪಡೆದು ಎಲ್ಲಾ ರಂಗಗಳಲ್ಲಿ ಸಾಮರ್ಥ್ಯ ಪ್ರದರ್ಶಿಸಿ, ತಾವು ಯಾವುದರಲ್ಲೂ ಕಡಿಮೆ ಇಲ್ಲ ಎಂದು ಸಾಬೀತುಪಡಿಸಬೇಕು.

ಅಂಬಿಕಾ ಜಿ.ಕೆ.,ತರೀಕೆರೆ