ಘೋಲ್‌ ಮೀನು: ವಂಶವೃದ್ಧಿಗೆ ಸಿಗಲಿ ಆದ್ಯತೆ

ಮಹಾರಾಷ್ಟ್ರ– ಗುಜರಾತ್‌ ಕರಾವಳಿಯ ಸಮೀಪ ಮೀನುಗಾರರೊಬ್ಬರಿಗೆ ಸಿಕ್ಕ ಘೋಲ್‌ ಮೀನುಗಳು ಕೋಟಿ ರೂಪಾಯಿ ಆದಾಯ ತಂದುಕೊಟ್ಟಿವೆ (ಪ್ರ.ವಾ., ಸೆ. 2). ಶಸ್ತ್ರಚಿಕಿತ್ಸೆಯ ಬಳಿಕ ಹಾಕುವ ಹೊಲಿಗೆಯ ದಾರವನ್ನು ಈ ಮೀನಿನಿಂದ ತಯಾರಿಸುತ್ತಾರೆ. ಈ ದಾರದ ಹೊಲಿಗೆಯು ಕೆಲ ದಿನಗಳಲ್ಲಿ ಕರಗಿ ಹೋಗುವುದೆಂದರೆ ಎಷ್ಟೊಂದು ಸಂತೋಷದ ಸಂಗತಿಯಲ್ಲವೇ? ಇಂತಹ ವಿಶಿಷ್ಟ ಗುಣ ಹೊಂದಿರುವ ಅದ್ಭುತ ಜಾತಿಯ ಮೀನಿನ ವಂಶವೃದ್ಧಿಗೆ ಅನುಕೂಲ ಕಲ್ಪಿಸಿ ಅಭಿವೃದ್ಧಿಪಡಿಸಿದರೆ ರುಚಿಕರವಾದ ಖಾದ್ಯಕ್ಕೆ ಮಾತ್ರವಲ್ಲದೆ ವೈದ್ಯಲೋಕಕ್ಕೂ ಹೆಚ್ಚಿನ ಪ್ರಯೋಜನವಾಗುತ್ತದೆ.

-ಹನುಮಂತಪ್ಪ ಬಿ. ದಾಸರ, ತರಲಕಟ್ಟಿ, ಕೊಪ್ಪಳ