ಹೊಸ ವರ್ಷ, ಹೊಸ ಭರವಸೆ
Published 31 ಡಿಸೆಂಬರ್ 2020, 19:32 IST
2020ರಲ್ಲಿ ಕೊರೊನಾ ವೈರಸ್‌ನ ಪರಿಣಾಮದಿಂದ ಜನರೆಲ್ಲರೂ ಅನುಭವಿಸಿದ ಕಷ್ಟನಷ್ಟಗಳನ್ನು ಮರೆಯುವುದು ಅಸಾಧ್ಯ. ಇದೀಗ ಹೊಸ ವರ್ಷ, ಹೊಸ ಭರವಸೆ, ಹೊಸ ಸಾಧನೆಗಳತ್ತ ನೋಡುವ ಸಮಯ ಬಂದಿದೆ. ಹಿಂದಿನ ವರ್ಷಗಳಂತೆ ಹೊಸ ವರ್ಷವನ್ನು ಬರಮಾಡಿಕೊಳ್ಳುವಾಗ ಭವಿಷ್ಯದ ಬಗ್ಗೆ ಹೊಸ ನಿರ್ಣಯವನ್ನು ಮಾಡಿ, ಅದನ್ನು ಈಡೇರಿಸಲು ದೃಢಸಂಕಲ್ಪ ಮಾಡುವುದರ ಜೊತೆಗೆ ಬಂಧು-ಮಿತ್ರರ ಒಡಗೂಡಿ ವಿವಿಧ ಮನರಂಜನಾ ಕಾರ್ಯಕ್ರಮಗಳನ್ನು ಆಯೋಜಿಸಿ, ಸಂಭ್ರಮಪಡಲು ಕೊರೊನಾ ಅಡ್ಡಿಯಾಗಿದೆ.
ನೆಮ್ಮದಿಯ ನಾಳೆಗಳಿಗಾಗಿ ನಾವೆಲ್ಲರೂ ಕೋವಿಡ್- 19 ನಿಯಮಗಳನ್ನು ಚಾಚೂ ತಪ್ಪದೆ ಪಾಲಿಸೋಣ. ಈ ಮಹಾಸಾಂಕ್ರಾಮಿಕವನ್ನು ತೊಲಗಿಸುವ ಸಂಕಲ್ಪ ಮಾಡೋಣ. ಹೊಸ ವರ್ಷದಲ್ಲಿ ಎಲ್ಲರಿಗೂ ಉತ್ತಮ ಆರೋಗ್ಯ ಮತ್ತು ಸಂತೋಷ ಲಭಿಸುವಂತಾಗಲಿ. ಬದುಕಿನಲ್ಲಿ ಭರವಸೆಯ ಬೆಳಕು ಬರಲಿ.
–ಉದಯ ಮ. ಯಂಡಿಗೇರಿ, ಧಾರವಾಡ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.