ಜೀವಿತಾವಧಿಯಲ್ಲೇ ಗುರುತಿಸಿ

ಪದ್ಮ ಪ್ರಶಸ್ತಿಗಳನ್ನು ಕೆಲವರಿಗೆ ಮರಣೋತ್ತರವಾಗಿ ನೀಡಲಾಗುತ್ತದೆ. ಈ ಬಾರಿಯೂ ಪೇಜಾವರ ವಿಶ್ವೇಶತೀರ್ಥ ಶ್ರೀ, ಅರುಣ್ ಜೇಟ್ಲಿ, ಜಾರ್ಜ್ ಫರ್ನಾಂಡಿಸ್, ಸುಷ್ಮಾ ಸ್ವರಾಜ್ ಅಂತಹವರು ತಮ್ಮ ತಮ್ಮ ಕಾರ್ಯ ವ್ಯಾಪ್ತಿಯಲ್ಲಿ ಸಲ್ಲಿಸಿದ ಅವಿರತ ಸೇವೆಗಾಗಿ ಈ ಗೌರವ ಪಡೆದಿದ್ದಾರೆ. ಸರ್ಕಾರವು ಇಂತಹ ಗಣ್ಯರ ಸಾಧನೆಯನ್ನು ಅವರ ಜೀವಿತಾವಧಿಯಲ್ಲೇ ಗುರುತಿಸಿ ಗೌರವಿಸಿದರೆ ಪ್ರಶಸ್ತಿ ಸ್ವೀಕರಿಸಿದ ಅವರಲ್ಲೂ ಸಾರ್ಥಕತೆಯ ಭಾವ ಮೂಡಬಹುದು. ಈ ನಿಟ್ಟಿನಲ್ಲಿ ಸರ್ಕಾರ ಯೋಚಿಸಬೇಕಾಗಿದೆ.

-ಮಹಾಂತೇಶ ಮಾಗನೂರ,ಬೆಂಗಳೂರು