ಕ್ಯಾನ್‌ಗಳಲ್ಲಿ ಹಾಲು ಪೂರೈಸಲಿ

ಹಾಲಿನ ಡೈರಿಯವರು ಸಭೆ ಸಮಾರಂಭಗಳಲ್ಲಿ ಬಳಸುವುದಕ್ಕಾಗಿ ಹತ್ತು ಲೀಟರ್‌ ಸಾಮರ್ಥ್ಯದ ಕ್ಯಾನ್‌ಗಳಲ್ಲಿ ಹಾಲು, ಮೊಸರು ಮತ್ತು ಮಜ್ಜಿಗೆಯನ್ನು ಒದಗಿಸಬಹುದಲ್ಲವೇ? ಇದರಿಂದ, ಪ್ಯಾಕಿಂಗ್‌ಗೆ ಬಳಕೆಯಾಗುವ ಸಂಪನ್ಮೂಲ, ಮಾನವ ಶ್ರಮ ಮತ್ತು ಸಮಯ ಉಳಿತಾಯವಾಗುತ್ತದೆ.

ಮಾತ್ರವಲ್ಲ, ಪ್ಯಾಕಿಂಗ್ ವಸ್ತುವಿನಿಂದ ಆಗುವ ಮಾಲಿನ್ಯವನ್ನು ಸಹ ತಪ್ಪಿಸಬಹುದು. ಹೀಗೆ ಮಾಡುವುದರಿಂದ ಗ್ರಾಹಕರಿಗೆ ಸುಲಭ ದರದಲ್ಲಿ ಪೂರೈಕೆ ಮಾಡಲು ಸಹ ಸಾಧ್ಯವಾಗುತ್ತದೆ. ಹೋಟೆಲುಗಳು, ಜಾತ್ರೆ-ಉತ್ಸವಗಳು, ಕ್ರೀಡಾಕೂಟಗಳು, ಸಮ್ಮೇಳನ-ಸಮಾವೇಶಗಳು, ಮದುವೆ-ಮುಂಜಿ ಮತ್ತಿತರ ಸಭೆ ಸಮಾರಂಭಗಳನ್ನು ಗಮನದಲ್ಲಿಟ್ಟು ಈ ಕಾರ್ಯಕ್ಕೆ ಮುಂದಾಗಬೇಕಿದೆ.
-ಧನಂಜಯ ಜೀವಾಳ,ಮೂಡಿಗೆರೆ