ಶಾಲೆ ನಿರ್ವಹಣೆ ಹೇಗೆ?

ಸರ್ಕಾರಿ ಶಾಲಾ ನಿರ್ವಹಣೆಗೆ ಬಿಡುಗಡೆಯಾಗದ ಅನುದಾನ (ಪ್ರ.ವಾ., ಮಾರ್ಚ್ 28) ವರದಿ ನೋಡಿ ಬೇಸರವಾಯಿತು. ಹೀಗಾದರೆ ಶಾಲೆಗಳ ನಿರ್ವಹಣೆ ಹೇಗೆ ನಡೆಯುತ್ತದೆ? ಪೋಷಕರು ತಮ್ಮ ಮಕ್ಕಳನ್ನು ಸರ್ಕಾರಿ ಶಾಲೆಗಳಿಗೆ ಸೇರಿಸಲು ಹಿಂದೆಮುಂದೆ ನೋಡುವಂತಾಗಿರುವುದು ಇಂತಹ ಕಾರಣಗಳ ಸಲುವಾಗಿಯೇ.

ಇದರ ಜೊತೆಗೆ, ಗುಣಮಟ್ಟದ ಶಿಕ್ಷಣದೊರೆಯುವುದಿಲ್ಲವೆಂಬ ಅಪನಂಬಿಕೆ ಕೆಲವು ಪೋಷಕರಲ್ಲಿದೆ. ಆರ್‌ಟಿಇ ಅಡಿ ಅನುದಾನಿತ ಶಾಲೆಗಳಲ್ಲಿ ಪ್ರವೇಶ ಪಡೆಯೋಣವೆಂದರೆ, ಈಬಾರಿಯ ಹೊಸ ಮಾನದಂಡಗಳು ಇದಕ್ಕೆಅಡ್ಡಿಯಾಗಿವೆ.

ಸರ್ಕಾರಿ ಶಾಲೆಗಳಲ್ಲಿ ಉತ್ತಮ ಶಿಕ್ಷಣ ಸಿಗುತ್ತಿದೆ ಎಂದು ಸರ್ಕಾರ ಹೇಳಿಕೊಂಡರೆ ಸಾಲದು. ಶಾಲೆಗಳಿಗೆ ಅಗತ್ಯವಿರುವ ಮೂಲ ಸೌಕರ್ಯಗಳನ್ನು ಒದಗಿಸಿ ಶಿಕ್ಷಣದ ಗುಣಮಟ್ಟವನ್ನು ಹೆಚ್ಚಿಸಬೇಕು. ಆಗಲಾದರೂ ಈ ಶಾಲೆಗಳಿಗೆ ದಾಖಲಾಗುವ ಮಕ್ಕಳ ಸಂಖ್ಯೆ ಹೆಚ್ಚಾಗಬಹುದು.

– ಸಾಗರ