‘ಮತದಾರನಾಗುವುದು ಪ್ರಯಾಸ’ ಎಂಬ ಸುದ್ದಿಯನ್ನು (ಪ್ರ.ವಾ., ಜ. 13; 50 ವರ್ಷಗಳ ಹಿಂದೆ) ಓದಿದಾಗ, ಆ ದಿನಗಳಲ್ಲಿ ಮತದಾರನಾಗಿ ಹೆಸರು ನೋಂದಾಯಿಸಲು ನಾಗರಿಕರು ಪಡುತ್ತಿದ್ದ ಪಡಿಪಾಟಲಿನ ಅರಿವಾಗುತ್ತದೆ. ಆಗ ಮತದಾರನಾಗಿ ನೋಂದಾಯಿಸಿಕೊಳ್ಳಲು ಹತ್ತು ಪೈಸೆ ಪಾವತಿಸುವ ಅಗತ್ಯ ಏನಿತ್ತೋ ತಿಳಿಯದು. ನೋಂದಣಿ ಮಾಡಿಕೊಳ್ಳಬೇಕಾದ ಅಧಿಕಾರಿಗಳನ್ನು ಹಿಡಿಯಲು ನಾಗರಿಕರು ಪದೇಪದೇ ಸರ್ಕಾರಿ ಕಚೇರಿಗೆ ಎಡತಾಕುತ್ತಿದ್ದುದನ್ನು ನೋಡಿದರೆ, ನೌಕರಶಾಹಿಯ ಮನೋಭಾವದಲ್ಲಿ ಅಂದಿಗೂ ಇಂದಿಗೂ ಏನೂ ವ್ಯತ್ಯಾಸವಿಲ್ಲ ಎನಿಸುತ್ತದೆ.
ಇಂದು ಮತದಾರರ ಪಟ್ಟಿಯಲ್ಲಿ ಹೆಸರು ಸೇರಿಸುವುದು ಸುಲಭವಾದರೂ ಆಧಾರ್ ನೋಂದಣಿ ಕಾರ್ಯ ಅಷ್ಟು ಸರಳವಾಗಿಲ್ಲ. ಇತರ ಸರ್ಕಾರಿ ಕೆಲಸಗಳಿಗೆ ಅಲೆಯುವುದು ತಪ್ಪಿಲ್ಲ. ಇತಿಹಾಸದಿಂದ ಕಲಿಯಲೇಬೇಕಾದ ಪಾಠಗಳನ್ನು ನಾವು ಕಲಿಯುತ್ತಿಲ್ಲ ಎಂಬುದಕ್ಕೆ ಇದು ನಿದರ್ಶನದಂತಿದೆ.
- ಬಿ.ಆರ್.ಅಣ್ಣಾಸಾಗರ,ಸೇಡಂ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.